नाशिकरोड : कोरोनाच्या तिसऱ्या लाटेमध्ये (Corona Third wave) लहान बालकांनादेखील धोका असण्याची शक्यता आहे. त्यामुळे नाशिकरोड येथील महापालिकेच्या बिटको कोविड सेंटरमध्ये बालकांवर उपचार करण्यासाठी शंभर खाटाचे बालकक्ष उभारण्यात आले. उपचारासाठी दाखल झालेल्या बालकांचे मनोरंजन व्हावे आणि त्यांची मानसिक स्थिती ही सकारात्मक रहावी त्यासाठी कक्षामध्ये भिंतीवर विविध कार्टूनची चित्रे काढण्यात आली आहेत, त्यावर कविता, गाणीसुध्दा आहेत. तसेच घसरकुंडी पाळणा आदी खेळणी ठेवण्यात येणार आहेत.