पुणे : माऊंट मंदा-१ मोहिमेचा ध्वजप्रदान कार्यक्रम sakal
पुणे : भारतीय स्वातंत्र्य दिनाचे (Independence day) औचित्य साधून गिरीप्रेमीच्या ‘माऊंट मंदा १’ या गिर्यारोहण मोहिमेचा ध्वजप्रदान कार्यक्रम नुकताच संपन्न झाला. मोहिमेच्या संघाला संरक्षण संशोधन आणि विकास संस्थेच्या पुण्यातील ‘आर अँड डी ई (इ)’ चे संचालक डॉ. प्रदीप कुरुलकर यांच्या हस्ते भारतीय ध्वज प्रदान करण्यात आला. या मोहिमेमध्ये डॉ. सुमीत मांदळे, विवेक शिवदे, पवन हडोळे, अंकित सोहोनी, वरुण भागवत, रोहन देसाई, ऋतुराज आगवणे व निकुंज शाह यांचा समावेश आहे. या अनुभवी व निष्णात गिर्यारोहण संघाचे नेतृत्व आनंद माळी करणार आहेत.
मोहिमेला शुभेच्छा देताना कुरुलकर म्हणाले, ‘‘स्वातंत्र्य दिनादिवशी या मोहिमेचा ध्वजप्रदान कार्यक्रम माझा हस्ते संपन्न होणे, ही अत्यंत अभिमानाची व आनंदाची गोष्ट आहे. मोहिमेच्या यशस्वीतेनंतर आम्ही सर्वजण पुन्हा एकदा असेच एकत्र येऊन संघाचे कौतुक करू.’’निंबाळकर म्हणाले, ‘‘मी अनेक वर्ष हिमालयात सैनिक म्हणून काम केले आहे. तेथे असणाऱ्या आव्हानांची मला जाण आहे. हिमालयाला आव्हान देऊन जमत नाही. त्याच्यावर प्रेम करून, त्याला आपलंसं करून वागलं तरच हिमालय देखील आपल्याला साथ देतो. गिरीप्रेमीच्या नावातच पर्वतावर प्रेम करण्याचे संस्कार आहेत. त्यामुळे त्यांच्या मोहिमेला यश नक्कीच मिळणार.’’
गंगोत्री हिमालयातील माऊंट मंदा १ हे शिखर सहा हजार ५२९ मीटर उंच असून चढाईच्या दृष्टीने अत्यंत कठीण आहे. या शिखरावर आजपर्यंत एकही भारतीय मोहीम यशस्वी होऊ शकली नाही. गिरिप्रेमीच्या संघांनी १९८९ व १९९१ असे दोन वेळा या शिखरावर चढाईचा प्रयत्न केला, मात्र तेव्हा यश हाती आले नाही. आता पुन्हा एकदा गिरीप्रेमीच्या गिर्यारोहकांचा संघ या शिखराचे आव्हान पेलण्यासाठी सज्ज आहे. असे झिरपे यांनी यावेळी सांगितले.
कार्यक्रमाचे सूत्रसंचालन गणेश मोरे यांनी केले तर आभार प्रदर्शन भूषण हर्षे यांनी केले. ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.