Glenn Maxwell Wedding Party esakal
रॉयल चॅलेंजर्स बंगलोरनं आपल्या टीमचा स्टार खेळाडू ग्लेन मॅक्सवेलसाठी लग्नाची पार्टी आयोजित केली होती.
IPL 2022 चा सीजन मध्यावर आला आहे. रॉयल चॅलेंजर्स बंगलोरनं (RCB) आपल्या टीमचा स्टार खेळाडू ग्लेन मॅक्सवेलसाठी लग्नाची पार्टी (Glenn Maxwell Wedding Party) आयोजित केली होती.या पार्टीत टीमचा माजी कर्णधार विराट कोहलीसह अन्य खेळाडूंनी भरपूर मजा-मस्ती केली. या पार्टीचे फोटो आणि व्हिडिओ आता सोशल मीडियावर व्हायरल होत आहेत. विराट कोहली (Virat Kohli) पत्नी अनुष्का शर्मासह (Anushka Sharma) ग्लेन मॅक्सवेलच्या लग्नाच्या रिसेप्शन पार्टीला हजर होता. विराटनं काळ्या रंगाचा कुर्ता आणि सफेद पायजमा परिधान केला होता.या पार्टीत गाजलेल्या ‘पुष्पा’ सिनेमातील ‘ओ अन्तवा’ गाणं वाजवण्यात आलं. या गाण्यावर विराटसह आरसीबीच्या खेळाडूंनी ठेका धरला.ऑस्ट्रेलियाचा ऑलराऊंडर ग्लेन मॅक्सवेलनं भारतीय वंशाच्या विन्नी रमनसह मागच्या महिन्यात 27 मार्चला तामिळ पद्धतीनं लग्न केलं. 27 एप्रिलला त्यांच्या लग्नाला एक महिना पूर्ण झाला. त्यासाठी आरसीबी फ्रेंचायजीनं ग्लेन मॅक्सवेलला ही पार्टी दिली. रॉयल चॅलेंजर्स बँगलोरकडून खेळणारा मॅक्सवेल 2017 पासून विनी रमनला डेट करत होता. दोघांनी काही दिवसांपूर्वीच लग्न केलं होतं. पण यावेळी तामिळ रितीरिवाजानं लग्न केलं.या पार्टीला आरसीबीचा कॅप्टन फाफ डू प्लेसिस (Faf Du Plessis) कुटुंबासह पोहोचला होता. डू प्लेसिस आणि त्याच्या पत्नीनं भारतीय पद्धतीचा पेहराव केला होता. डू प्लेसिसनं सदरा-लेंगा तर त्याच्या पत्नीनं साडी नेसली होती. डू प्लेसिसची पत्नी इमारी विसेर, दोन मुली एमिली आणि जोई सुद्धा लग्नाला आल्या होत्या.सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.