फोटोग्राफी

'या' सात पदार्थांचा आहारात करा समावेश; आरोग्याला होईल फायदा

रोगप्रतिकारक शक्ती वाढवणारे सात पदार्थ

शर्वरी जोशी
देशावर सध्या कोरोनाचं संकट आहे. त्यामुळे या काळात स्वत: ची व कुटुंबाची काळजी घेणं अत्यंत गरजेचं आहे. तसंच कोरोना विरुद्ध लढायचं असेल तर रोगप्रतिकारक शक्ती चांगली असणं आवश्यक आहे. म्हणूनच, रोगप्रतिकारक शक्ती वाढवणारे घरगुती पदार्थ कोणते व त्यांचं महत्त्व काय हे पंकजाकस्तुरी हर्बल्स इंडिया लिमिटेडचे संस्थापक डॉ. जे. हरींद्रन नायर यांनी सांगितलं आहे.
खडीसाखर - गोडवा देणारा नैसर्गिक आयुर्वेदिक घटक म्हणून खडीसाखरेचा उपयोग आपल्या देशात गेली कित्येक शतके केला जात आहे. खडीसाखर शरीराला थंडावा देऊन त्यामध्ये चैतन्य निर्माण करते. वात, पित्त व कफ या दोषांना शांत करण्याचा गुणधर्म खडीसाखरेमध्ये असल्यामुळे आयुर्वेदिक औषधांमध्ये याचा वापर होतो. कफ पाडणाऱ्या औषधाचे गुणधर्म देखील खडीसाखरेमध्ये असतात.
जिरे - भारतीय स्वयंपाकात अगदी दररोज वापरला जाणारा, सामान्य पदार्थ म्हणजे जिरे. हे एवढेसे जिरे पण त्यामध्ये जितके लोहाचे प्रमाण आहे तितके लोह असणारे इतर खाद्यपदार्थ फारच कमी आहेत. याशिवाय टर्पेनेस, फिनोल्स, फ्लेव्होनॉइड्स आणि अल्कलॉइड्स यासारखी संयुगे देखील त्यामध्ये आढळतात. सूक्ष्म जीवाणूविरोधी, कर्करोगरोधक आणि मधुमेहविरोधी गुणधर्म असल्यामुळे आयुर्वेदिक औषधांमध्ये जिऱ्याचा वापर खूप मोठ्या प्रमाणावर होतो.
चिंच - भरपूर प्रमाणात फायबर, क जीवनसत्त्व आणि पोटॅशियम असलेली चिंच म्हणजे दक्षिण भारतीय स्वयंपाकातील अविभाज्य पदार्थ आहे. चिंचेच्या झाडावरील फुले, फळे, पाने व खोडासह सर्व भाग आयुर्वेदिक औषधे बनवताना वापरले जातात. विविध त्वचा विकार, अतिसार, पचनाचे आजार, हृदयविकार आणि इतर अनेक आजारांवरील उपचारांमध्ये चिंचेच्या फळाचा वापर केला जातो.
दालचिनी - बहुतेक सर्व भारतीय पदार्थांमध्ये वापरल्या जाणाऱ्या दालचिनीमध्ये अँटिऑक्सिडंट, मधुमेहविरोधी, दाहरोधक आणि सुक्षजंतूविरोधी क्षमता असतात. श्वसनाचे आजार, मधुमेह आणि क्षय या रोगांवरील औषधे तयार करताना आयुर्वेदात दालचिनीचा उपयोग केला जातो.
वेलची - भारत आणि मध्य पूर्वेमध्ये वेलचीचा वापर मोठ्या प्रमाणावर केला जातो. वेलची मध्ये क जीवनसत्त्व, मँगनीज आणि फायबर यांचं प्रमाण अधिक आहे. त्यामुळे सर्व दोषांचे (वात, पित्त आणि कफ) संतुलन साधण्याच्या गुणधर्म तिच्यात आहे. त्याचबरोबरीने अति प्रमाणात जमा झालेले श्लेष्मल कमी करून फुफ्फुसातील व पोटातील कफ कमी करण्याची क्षमता देखील वेलचीमध्ये आहे.
काळी मिरी - प्राचीन चरक संहितेमध्ये काळ्या मिरीचा उल्लेख आहे, सर्दी, खोकला, घशातील सूज, फुफ्फुसाच्या नळ्यांना येणारी सूज, अस्थमा तसेच जठर व आतड्यांचे विकार, रक्ताभिसरणातील त्रास या व्याधींवरील औषधांमध्ये आयुर्वेदिक वैद्य काळ्या मिरीचा उपयोग करत आले आहेत. अँटिऑक्सिडंट व शुद्धीकरण क्षमता काळ्या मिरीमध्ये आहेतच, शिवाय काळी मिरी पोषकद्रव्ये शोषून घेण्याची शरीराची क्षमता वाढवते.
आले - आल्यामध्ये अनेक जीवनसत्त्वे व क्षार मोठ्या प्रमाणावर असतात. जीवनसत्त्व क, ब६, सोडियम, पोटॅशियम, कॅल्शियम, लोह, मॅग्नेशियम, फोलेट, फॉस्फरस, झिंक, रिबोफ्लेवीन आणि नियासिन हे आल्यामध्ये मुबलक प्रमाणात आढळून येतात. आल्यापासून सुंठ पावडरही तयार करता येते. या सुंठेमध्ये दाहशामक, जंतुरोधक, विषाणूरोधक गुण आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Ajit Pawar: पवारांवर बोलताना सदाभाऊंची जीभ घसरली, अजित पवार भडकले; शरद पवारांची पहिली प्रतिक्रिया...

Latest Maharashtra News Updates : सदाभाऊ खोत यांच्या पक्षाध्यक्ष शरद पवार यांच्यावर केलेल्या वक्तव्याविरोधात निदर्शने

मीडियाचं खोटं आणि गोध्रा हत्याकांडाचं सत्य उघड होणार; विक्रांत मासीच्या 'द साबरमती रिपोर्ट'चा ट्रेलरचा धुमाकूळ

Prajakt Tanpure: पराभवाची चाहुल लागल्याने कर्डिले सैरभैर; निष्क्रिय कारभारामुळे त्‍यांना जनतेने नाकारले

Fashion Tips: लग्नसमारंभात दिसाल सर्वात हटके, जुन्या साड्यांचा वापर करून बनवा डिझायन ड्रेस

SCROLL FOR NEXT