पिंपरी पोलिस स्टेशनच्या मागील बाजूस 1965 च्या सुमारास तीन इमारती पोलिसांना राहण्यासाठी बांधण्यात आल्या. सध्या या इमारतीस 53 वर्षे झाली असून त्या धोकादायक बनल्या आहेत. तीनही इमारतींच्या खिडक्‍यांवरील बरेच सज्जे कोसळलेले असून त्या ठिकाणी पत्र्यांचे सज्जे बसविण्यात आले आहेत. इमारतींच्या समोरील सज्यांचे कॉंक्रिटीकरणाचा भाग कोसळत आहे. भिंतींवर असलेले ड्रेनेजचे पाइप लिकेज असल्याने त्या ठिकाणी झाडे वाढत आहेत. या झाडांमुळे इमारतींनी भेगा पडत आहेत. परिसरात झाडी-झुडपे वाढलेली असल्याने पोलिसांना दुर्गंधी व डासांचा त्रास होत आहे. लहान मुलांसाठी परिसरात असलेल्या उद्यानाचीही दुरवस्था झाली आहे. त्याची ही चित्रमय झलक टिपली आहे. सकाळचे छायाचित्रकार अरुण गायकवाड यांनी.