भारत आणि दक्षिण आफ्रिका यांच्यातील पाच सामन्यांची टी-20 मालिका संपली आहे. या मालिकेतील पहिले दोन सामने दक्षिण आफ्रिकेने जिंकले होते, तर नंतरचे दोन सामने भारताने जिंकले होते. शेवटचा सामना पावसामुळे वाया गेला आणि मालिका प्रत्येकी दोन बरोबरीत संपली. शेवटचा सामना जिंकून भारताला प्रथमच घरच्या मैदानावर दक्षिण आफ्रिकेविरुद्ध टी-20 मालिका जिंकण्याची संधी होती, पण पावसामुळे ती होऊ शकली नाही. टीम इंडियाने ही मालिका जिंकली नसली तरी टी-20 विश्वचषकाच्या तयारीच्या दृष्टीने ही मालिका महत्त्वाची होती.