अहमदाबाद : आयपीएलच्या 15 व्या हंगामाची फायनल रविवारी ( दि. 29) गुजरात टायटन्स आणि राजस्थान रॉयल्स यांच्यात होणार आहे. हे दोन्ही संघ आयपीएलची लीग स्टेज संपली त्यावेळी गुणतालिकेत अनुक्रमे पहिल्या आणि दुसऱ्या स्थानावर होते. या दोन्ही संघांनी आतापर्यंत चांगली कामगिरी करून इथंपर्यंत मजल मारली होती. गुजरात आणि राजस्थान या दोन्ही संघामध्ये मॅचविनर खेळाडूंचा भरणा आहे. अशाच एकहाती सामन्याचे चित्र पालटू शकणाऱ्या दोन्ही संघातील खेळाडूंवर नजर टाकूयात.