'जुगनी जी' आणि 'बेबी डॉल' सारखी गाणी गाऊन प्रसिद्धिच्या झोतात आलेली गायिका कनिका कपूर (Kanika Kapoor)आज तिचा बॉयफ्रेंड गौतम हाथीरमानी सोबत लग्नबंधनात अडकत आहे. तिच्या हळदी-मेहेंदी समारंभाच्या फोटोंची सोशल मीडियावर जोरदार चर्चा रंगली आहे. कनिका आणि गौतमनं लग्नाआधीच्या हळदी-मेहेंदी समारंभात केलेली धमाल फोटोमधून लक्ष वेधून घेत आहे. हळदी-मेहेंदी समारंभात केलेल्या रंगबिरंगी गुलाबांच्या सजावटीनं सोहळ्यात अधिक रंग भरलेले दिसून येत आहेत. कनिका कपूरचं गौतम हाथीरमानीसोबत हे दुसरं लग्न आहे. तिचं पहिलं लग्न १९९८ मध्ये व्यावसायिक राज चंदोकसोबत झालं होतं. तिला तीन मुलं देखील आहेत. २०१२ साली ती राज चंदोकपासून विभक्त झाली होती. आता तब्बल दहा वर्षांनी ती पुन्हा आपल्या नव्या आयुष्याला सुरुवात करीत आहे. कनिकानं आपल्या सोशल मीडिया अकाऊंटवर हळदी-मेहेंदी समारंभाचे फोटो शेअर करत होणाऱ्या नवऱ्यावर खूप प्रेमही पोस्टच्या माध्यमातून व्यक्त केलं आहे. कनिकानं घातलेला लाइट ग्रीन कलरचा लेहेंगा तिच्यावर खूपच सुंदर दिसत आहे. तर गौतमही लाइट गोल्डन कलरच्या कुर्ता-पायजमात हॅन्डसम दिसत आहे. दोघांनी फुलांनी गच्च भरलेला पुष्पगुच्छ देऊन एकमेकांना पुन्हा प्रपोज करण्याचा आनंद अनुभवला. हळदी-मेहेंदी समारंभात केलेल्या रंगबिरंगी गुलाबांच्या सजावटीनं सोहळ्यात अधिक रंग भरलेले दिसून येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.