मराठी मालिकांमध्ये नायक किंवा नायिकांच्या जोडीला काही खलनायक आणि खलनायिकांनी प्रेक्षकांच्या मनात विशेष स्थान निर्माण केलंय. कटकारस्थानं रचणारे, डावपेच आखणारे, तिरस्कार यावा इतक्या खालच्या पातळीला जाणारे आणि तरीही प्रेक्षकांना विशेष आवडणारे हे खलनायक कोणते ते पाहुयात..
किरण गायकवाड- सध्या 'देवमाणूस' या मालिकेत खलनायकाची भूमिका साकारणारा अभिनेता किरण गायकवाड फार चर्चेत आहे. या मालिकेत किरणने सीरिअल किलर असणाऱ्या एका डॉक्टरची भूमिका साकारली आहे.
रसिका सुनील- 'माझ्या नवऱ्याची बायको' या मालिकेतून छोट्या पडद्यावर पदार्पण करणाऱ्या रसिका सुनीलने 'शनाया' ही भूमिका अक्षरश: गाजवली. आजही शनाया या नावाने ती अधिक ओळखली जाते.
रुपाली भोसले- 'आई कुठे काय करते' या मालिकेत विवाहबाह्य संबंध ठेवणाऱ्या महिलेची भूमिका रुपाली साकारतेय. रुपालीने तिची भूमिका उत्तमरित्या साकारली असून यासाठी तिला अनेकदा प्रेक्षकांच्या टीकेलाही सामोरं जावं लागतंय.
अदिती सारंगधर - 'येऊ कशी तशी मी नांदायला' या मालिकेत मालविका ही भूमिका साकारणारी अदितीसुद्धा सोशल मीडियावर चर्चेत असते.
आशुतोष पत्की- 'अग्गंबाई सासूबाई' या मालिकेतून पदार्पण करणारा 'बबड्या' ऊर्फ सोहम सर्वांनाच ठाऊक आहे. या मालिकेतील भूमिकेमुळे आशुतोषला खऱ्या आयुष्यातही अनेकदा प्रेक्षकांकडून तिरस्कार मिळाला.
माधवी निमकर- 'सुख म्हणजे नक्की काय असतं' या मालिकेत माधवी सध्या शालिनीची भूमिका साकारतेय. माधवीची नकारात्मक भूमिका आणि तिचा फॅशन सेन्स चांगलाच चर्चेचा विषय ठरतोय.
शशांक केतकर- 'पाहिले न मी तुला' या मालिकेत शशांक पहिल्यांदाच खलनायकी भूमिका साकारत आहे.
सुबोध भावे- मराठीतील आघाडीचा अभिनेता सुबोध भावे याने 'तुला पाहते रे' मालिकेत नकारात्मक छटा असलेली भूमिका साकारली होती. व्यावसायिक होण्यासाठी पत्नीच्या पैशांचा वापर करून नंतर तिला ठार मारणाऱ्या विक्रांत सरंजामेच्या भूमिकेत तो होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.