BJP MLA Mukta Tilak esakal
मुक्ता टिळक (Mukta Tilak) या कर्करोगाशी (Cancer) झुंज देत आहेत. राज्यसभा निवडणुकीत मतदान करण्यासाठी त्या रुग्णवाहिकेतून आल्या होत्या.
मुक्ता टिळक (Mukta Tilak) या कर्करोगाशी (Cancer) झुंज देत आहेत. राज्यसभा निवडणुकीत मतदान करण्यासाठी त्या रुग्णवाहिकेतून आल्या होत्या. त्यावेळचे त्यांचे फोटो सोशल मीडियावर (Social Media) व्हायरल झाले आणि अनेकांनी त्यांच्या पक्षनिष्ठेला सलाम केला.मुक्ता टिळक या पुण्यातील कसबा विधानसभा मतदारसंघातून (Kasba Assembly Constituency) भाजपच्या आमदार आहेत.पुण्यातील भावे स्कूलमधून शालेय शिक्षण घेतलेल्या मुक्ता टिळकांनी फर्ग्युसन महाविद्यालयातून (Fergusson College) पुढील शिक्षण घेतलं.मुक्ता टिळक या 'भारताच्या असंतोषाचे जनक' लोकमान्य टिळक यांचे पणतू शैलेश टिळक यांच्या पत्नी आहेत.पुणे विद्यापीठातून (Pune University) त्यांनी जर्मन भाषाही (German language) शिकलीय. मार्केटिंग विषयात त्यांनी एमबीएची पदवी मिळवलीय.शिवाय, मुक्ता टिळकांनी पत्रकारितेचं शिक्षणही घेतलंय. सुरुवातीच्या काळात त्यांनी हिंदुस्थान पेट्रोलियम, आरबीआय, किर्लोस्कर ऑईल इंजिन्स, थरमॅक्स, प्रवीण मसाले आदी कंपन्यांमध्ये काम केलं.आमदार होण्यापूर्वी त्या पुणे महापालिकेत (Pune Municipal Corporation) नगरसेविका म्हणून कार्यरत होत्या. सदाशिव-नारायण पेठेतील प्रभाग क्रमांक 15 च्या त्या नगरसेविका म्हणून नेतृत्त्व करत होत्या. त्या सलग चारवेळा नगरसेविका म्हणून विजयी झाल्या होत्या.पुणे भाजपच्या महापालिकेतल्या गटनेत्या, स्थायी समितीच्या सदस्या अशा जबाबदाऱ्या त्यांनी पार पाडल्यानंतर 2017 साली त्या महापौरपदी विराजमान झाल्या.त्या महापौर असतानाच 2019 साली विधानसभा निवडणुकीच्या रिंगणात उतरल्या आणि कसबा विधानसभा मतदारसंघातून त्या भाजपच्या आमदार म्हणून विधानसभेत दाखल झाल्या.मुक्ता टिळक यांचे पतीही भाजपमध्ये सक्रिय आहेत. मुक्ता टिळक या गोपीनाथ मुंडे (Gopinath Munde) यांच्या समर्थक म्हणून ओळखल्या जायच्या. आता त्या गिरीश बापट (Girish Bapat) यांच्या समर्थक म्हणून ओळखल्या जातात.सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.