Maharashtra Kesari Kusti esakal
संकुलातील मुख्य मैदानात मातीचे दोन मोठे आखाडे, तसेच गादी प्रकारासाठी आखाडा तयार करण्यात आलाय.
सातारा : महाराष्ट्र केसरी कुस्ती (Maharashtra Kesari Kusti) स्पर्धा (Competition) साताऱ्यातील (Satara) श्रीमंत छत्रपती शाहू जिल्हा क्रीडा संकुलात आजपासून (मंगळवार) रंगणार आहे.या स्पर्धेसाठी संकुलातील मुख्य मैदानात मातीचे दोन मोठे आखाडे, तसेच गादी प्रकारासाठी आखाडा तयार करण्यात आलाय. आज सायंकाळी सहा वाजल्यानंतर प्रत्यक्ष कुस्ती स्पर्धेस प्रारंभ होईल, अशी माहिती आयोजकांनी दिलीय.महाराष्ट्र केसरी स्‍पर्धेची (Maharashtra Kesari Wrestling Tournament) तयारी पूर्णत्वास आली असून, कुस्‍तीसाठी तयार करण्यात आलेल्‍या आखाड्यात झालेल्‍या कुस्‍तीनंतर माती उकरण्‍यासाठी २० मजूर नेमण्‍यात आले आहेत.प्रत्‍येक कुस्‍तीनंतर आवळललेली, घट्ट झालेली माती उकरण्‍याची हे काम या मजुरांना करावे लागणार आहे. स्‍पर्धेदरम्‍यान अनुचित प्रकार होऊ नये, यासाठी सुमारे पाचशेहून अधिक कर्मचारी जिल्हा क्रीडा संकुलाच्‍या परिसरात बंदोबस्‍तासाठी नेमण्‍यात आले आहेत.तब्‍बल ६० वर्षांनंतर साताऱ्यात महाराष्ट्र केसरी स्पर्धा होत आहे. या स्‍पर्धेच्‍या तयारीसाठी राज्‍य कुस्‍तीगीर परिषद, जिल्हा तालीम संघ, जिल्हा प्रशासन गेले आठ दिवस कार्यरत आहे.या स्‍पर्धेत ४५ संघांतून ९०० मल्‍ल सहभागी होणार असून, त्‍यासाठी मातीचे दोन, तर गादी प्रकारातील तीन आखाडे तयार करण्यात आले आहेत.स्‍पर्धेदरम्‍यान कोणताही अनुचित प्रकार घडू नये, यासाठी सातारा, सांगली, कोल्‍हापूर, पुणे आणि सोलापूर येथील पोलिस बंदोबस्‍त आणण्‍यात आला आहे. (फोटो : प्रमोद इंगळे)सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.