Udayanraje Bhosale Prithviraj Patil esakal
खासदार उदयनराजेंच्या जलमंदिर या निवासस्थानी बुलेट वितरण सोहळा पार पडला.
साताऱ्यात पार पडलेल्या स्पर्धेतील ‘महाराष्ट्र केसरी’ ठरलेल्या कोल्हापूरच्या पृथ्वीराज पाटीलला (Prithviraj Patil) खासदार उदयनराजे भोसले (Udayanraje Bhosale) यांनी बक्षीस म्हणून बुलेट देण्याची घोषणा केली होती. गुरूवारी सायंकाळी खासदार उदयनराजे भोसले यांच्या जलमंदिर या निवासस्थानी बुलेट वितरण सोहळा पार पडला.महाराष्ट्र केसरी पैलवान पृथ्वीराज पाटील आणि उपविजेता पैलवान प्रकाश बनकर यांना उदयनराजे मित्र परिवाराकडून दुचाकीचं वितरण करण्यात आलं.उदयनराजे यांच्या हस्ते विजेत्यांना बुलेट, मोटरसायकल तसेच रोख रक्कम दिली गेली.दरम्यान, महाराष्ट्र केसरी (Maharashtra Kesari) पृथ्वीराज पाटीलला जी बुलेट उदयनराजेंकडून दिली, त्या बुलेटला खास नंबरही घेण्यात आला आहे. उदयनराजे यांच्या ताफ्यातील वाहनांचा (MH-09-GB-007) हा नंबर दिला.श्रीमंत छत्रपती उदयनराजे भोसले मित्र समूह व श्रीमंत छत्रपती प्रतापसिंह उर्फ दादा महाराज तालीम संघ यांच्या संयुक्त विद्यमानं महाराष्ट्र केसरी पृथ्वीराज पाटील यांना Royal Enfield बुलेट गाडी व उपमहाराष्ट्र केसरी विशाल बनकर यांना होंडा युनिकॉर्न गाडी देण्यात आली. तसेच गणेश कुंकूले, आकाश माने आणि सुमित गुजर यांना प्रत्येकी 51 हजार रुपये बक्षीस देऊन आज जलमंदिर पॅलेस गौरविण्यात आले. या सत्कार समारंभास महाराष्ट्रातील सर्व मान्यवर पैलवान मंडळी व कुस्तीप्रेमी उपस्थित होते.महाराष्ट्राच्या मातीतील प्रतिष्ठेची स्पर्धा महाराष्ट्र केसरीची लढत कोल्हापूरच्या पृथ्वीराज पाटीलनं 5-4 च्या फरकानं मुंबई पश्चिमचं नेतृत्त्व करणाऱ्या विशाल बनकरला मात दिली होती. विशेष म्हणजे जवळपास 21 वर्षांनी कोल्हापूरला महाराष्ट्र केसरीची मानाची गदा मिळाली. सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.