पंढरपूर (सोलापूर): राज्य शासनाच्या आदेशानुसार आज येथील श्री विठ्ठल रुक्मिणी मंदिरात भाविकांना मुखदर्शनासाठी प्रवेश सुरु करण्यात आला. अनेक महिन्यांच्या नंतर भाविकांना मंदिरात जाऊन सावळ्या विठूरायाला डोळेभरुन पाहता आल्याने भाविकांमधून समाधान व्यक्त होत आहे. दररोज सकाळी सहा ते सात या वेळात स्थानिक नागरिकांना आधारकार्ड दाखवून प्रवेश देणे सुरु झाल्याने स्थानिक भाविक देखील आनंदले आहेत.