मुंबई - कोरोनाचा मोठा फटक मनोरंजन क्षेत्राला बसला होता. मात्र तरीही या काळात ओटीटी प्लॅटफॉर्मवरुन ज्या मालिका आणि चित्रपट प्रदर्शित झाले त्यांनी प्रेक्षकांचे मोठ्या प्रमाणात मनोरंजन केले. लॉकडाऊनमध्ये या ओटीटी माध्यमानं प्रेक्षकांना दर्जेदार चित्रपट आणि मालिकांची मेजवानी दिली. येत्या काळात थिएटर सुरु करण्यावर भर दिला जाणार आहे. मात्र तरीही सुरक्षेच्या कारणास्तव त्यावर काही मर्यादा असणार आहे. हे लक्षात घेऊन काही ओटीटी प्लॅटफॉर्मनं मनोरंजनाची मेजवानी प्रेक्षकांना द्यायचं ठरवलं आहे. यात अॅमेझॉन आघाडीवर असणार आहे. त्यांनी येत्या ऑक्टोबर महिन्यामध्ये प्रदर्शित होणाऱ्या मालिका आणि चित्रपटांची माहिती दिली आहे. दिवाळीतही प्रेक्षकांना वेबसीरिज आणि मालिका यांचा फराळ मिळणार असल्याचे यानिमित्तानं दिसून आले आहे.