पिंपरी : महापालिका कासारवाडी प्रभाग ३० मध्ये विविध विकास कामे सुरू आहेत. त्यासाठी खोदकाम केले जात आहे. मात्र, आता शुक्रवारपासून गणेशोत्सव सुरू होत आहे. त्यामुळे खोदकाम करू नये. नागरिकांना येण्या-जाण्यास अडथळा होऊ शकतो, अशी भूमिका भाजप नगरसेविका आशा शेडगे यांनी घेऊन कासारवाडीतील काम थांबविण्याची विनंती अधिकाऱ्यांना व ठेकेदाराला केली. मात्र, कामे सुरूच ठेवल्याने शेडगे यांच्यासह काही महिला महापालिका भवनात आल्या. आयुक्त राजेश पाटील यांच्या दालनाबाहेर त्यांनी ठिय्या आंदोलन केले व आयुक्तांच्या नामफलकावर शाई फेकली. याप्रकरणी नगरसेविका शेंडगे यांच्यासह १० महिलांना पोलिसांनी ताब्यात घेतले.