Photos : विठ्ठल रुक्मिणी मंदिर सजलं, एकादशीनिमित्त फुलांची आरास

विठुरायाच्या आणि रखुमाईच्या गाभाऱ्यात केलेली सजावटीमुळे देवाचे रुप अधिकच खुलून दिसत आहे.

अभय जोशी - सकाळ वृत्तसेवा

Updated:14th Mar, 2022 at 11:02 AM

पंढरपूर (सोलापूर) : फाल्गुन शुध्द आमलकी एकादशी निमित्त येथील श्री विठ्ठल रुक्मिणी मंदिरात रंगीबेरंगी आकर्षक फुलांनी सजावट करण्यात आली. झेंडू, शेवंती, ऑरकेट, गुलाब, कार्नेशन, कामिनी अशा तब्बल सातशे किलो फुलांचा आणि पानांचा सजावटीसाठी वापर करण्यात आला आहे.

विठुरायाच्या आणि रखुमाईच्या गाभाऱ्यात केलेली सजावटीमुळे देवाचे रुप अधिकच खुलून दिसत आहे. रांजणगाव येथील विठ्ठलभक्त नानासाहेब दिनकरराव पाचुंदकर पाटील यांनी आजच्या सजावटीसाठी फुले उपलब्ध करुन दिली आहेत.साई डेकोरेटर्स (शिंदे ब्रदर्स)यांनी ही फुलांची सजावट केली आहे.

विविध सण आणि उत्सवाच्या काळात येथील श्री विठ्ठल रुक्मिणी मंदिरात रंगीबेरंगी फुलांचा वापर करुन अथवा त्या त्या काळात उपलब्ध असलेल्या फळांचा वापर करुन सजावट केली जाते.

आज आमलकी एकादशीच्या निमित्ताने श्री विठ्ठलाचा आणि श्री रुक्मिणीमातेचा गाभारा तसेच मंदिराच्या अन्य भागात फुलांनी मनमोहक सजावट करण्यात आली आहे.

पंढरपूर येथील मंदिरात भाविकांना पदस्पर्श दर्शन घेण्याची परंपरा होती.परंतु कोरोना विषाणूचा संसर्ग वाढू नये, यासाठी दक्षता म्हणून गेल्या दोन वर्षापासून विठ्ठल रुक्मिणी मंदिरातील पदस्पर्श दर्शन व्यवस्था बंद करण्यात आली आहे.

आता शासनाने कोरोनाशी संबंधित बहुतांष निर्बंध शिथील केले आहेत.परंतु अद्यापही पंढरपूर येथील श्री विठ्ठल रुक्मिणी मंदिरात पदस्पर्श दर्शन सुरु करण्यात आलेले नाही.

त्यामुळे अजूनही भाविकांना मुखदर्शनावर समाधान मानावे लागत आहे.

आमलकी एकादशीच्या निमित्ताने हजारो भाविक दर्शनासाठी आले आहेत.विठुरायाचे पदस्पर्श दर्शन लवकरात लवकर सुरु करावे अशी मागणी भाविकांमधून होत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

Photos : विठ्ठल रुक्मिणी मंदिर सजलं, एकादशीनिमित्त फुलांची आरास

विठुरायाच्या आणि रखुमाईच्या गाभाऱ्यात केलेली सजावटीमुळे देवाचे रुप अधिकच खुलून दिसत आहे.

Also Read

Maharashtra Assembly Election 2024 Results Live Updates: राज्यातील सर्व मतदारसंघांच्या निकालाचे अपडेट्स एका क्लिकवर

Constitution of India : आणीबाणीतील सर्वच निर्णय रद्द करण्यासारखे नाहीत; सर्वोच्च न्यायालयाचे महत्त्वपूर्ण निरीक्षण

JP Nadda : अराजकाला काँग्रेसकडून चिथावणी; मणिपूर हिंसाचारप्रकरणी भाजपाध्यक्ष जे. पी. नड्डा यांचा आरोप