करमाळा (सोलापूर) : "सैराट' चित्रपटाने (Sairat) लोकप्रियतेचे शिखर गाठले व या चित्रपटामुळे सोलापूर (Solapur) जिल्ह्यातील करमाळा (Karmala) तालुक्‍यानेही नावलौकिक मिळवला. करमाळ्यापासून पाच किलोमीटर अंतरावरील पोथरे येथे शनी मंदिर प्रसिद्ध आहे. हे मंदिर पुरातन व ऐतिहासिक आहे. "सैराट' या मराठी चित्रपटाचे चित्रीकरण याच परिसरात झाले असून, कमलाभवानी मंदिरातील (Kamlabhavani Temple) 96 पायऱ्यांची विहीर, उजनी धरण (Ujani Dam), देवळाली, चिकलठाण, बिटरगाव (वांगी) येथील परिसर या चित्रपटात दाखवला आहे. त्यामुळे हा परिसर राज्यभरातील पर्यटकांसाठी आकर्षण ठरत असून, अनेकजण या परिसराला भेट देऊन "सैराट' चित्रपटांतील दृश्‍यांच्या आठवणीत रमून जातात. पाहूया करमाळा तालुक्‍यातील विविध प्रेक्षणीय स्थळे.