डोंबिवली (मुंबई): कोरोना प्रतिबंधक लसीचे दोन डोस घेतलेल्या सर्वसामान्य नागरिकांना रविवारपासून लोकलने प्रवास करता येत आहे. मध्य रेल्वे स्थानकातील डोंबिवली हे सर्वात गर्दीचे स्थानक म्हणून ओळखले जाते. दोन दिवसांच्या सुट्टीनंतर मंगळवारी डोंबिवलीत लोकलला प्रवाशांची गर्दी होण्याची शक्यता वर्तविण्यात येत होती. मात्र सकाळी 7 वाजले तरी डोंबिवली स्थानक रिकामे होते. आठनंतर तुरळक गर्दी स्थानकात दिसली. स्थानकात गर्दी उसळण्याची शक्यता फोल ठरली असून कोरोनाचे सावट व लसीचा दोन डोस पासून अनेक नागरिक वंचित असल्याचे चित्र स्पष्ट होते.