ऐन जुन महिन्यात पावसाने दडी मारली आहे. दरम्यान, गेल्या चार-पाच दिवसापासून शेतीपंपाद्वारे नदीपात्रातील पाणी उपसा करून गगनबावडा तालुक्यात शेतकऱ्यांनी रोप लावणीस सुरूवात केली आहे. पाणी उपसा करून आणि मनुष्यबळाचा वापराने रोपलावणीचे काम पूर्ण करण्याच्या प्रयत्नात शेतकरी आहे. तालुक्यात सर्वत्र असे चित्र पहायला मिळत आहे.
पावसाचे आगार समजल्या जाणाऱ्या गगनबावडा तालुक्यात पावसाच्या पहिल्या महिन्यातच पावसाने पाठ फिरवली. तालुक्यातील शेतकरी वर्ग पावसाची आतुरतेने वाट पहात आहे. मे महिन्याच्या अखेरच्या आठवड्यात पेरणी केलेली भातरोपे लावणी योग्य झाल्याने पाऊस नसताना रोपलावण करावी लागत आहे. शेतकरी वर्गाने रोपलावणीला सुरूवात केली आहे. गगनबावडा तालुक्यात सर्वत्र लावण पद्धतीने भातपीक घेतले जाते. गादीवाफ्यावर भाताची रोपे तयार केली जातात. त्यासाठी एप्रिल व मे महिन्यात वाळलेला पाला, शेण, झाडांच्या वाळलेल्या फांद्या एखाद्या वाफ्यामध्ये पेटवून तरवा तयार केला जातो. मे अखेरीस किंवा जूनच्या पहिल्या आठवड्यात या तरव्यावर भाताची रोपे तयार करण्यासाठी पेरणी केली जाते. साधारणतः तीन आठवडयाच्या कालावधीनंतर ही रोपे लावणीयोग्य झाल्यानंतर भात रोपलावण केली जाते. यांत्रिकीकरणाच्या युगात तालुक्यातील बैलजोडींची संख्या कमी झाल्याने पॉवर ट्रेलर, लहान ट्रॅक्टरच्या साहाय्याने चिखल केला जात आहे. काही मोजक्याच शेतकरी वर्गाकडे बैलजोडी आहे. असे शेतकरी चिखलगुठ्ठा पद्धतीने चिखल करतात. गुठ्ठा पध्दतीने चिखल केल्यामुळे जमिनीचे सपाटीकरण होण्यास मदत तर होतेच, शिवाय तणांचे प्रमाणही खूप कमी होते. सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.