Jalgaon Crime News : स्थानिक अल्पवयीन मुलांना मोबाईल चोरीत गुंतवून झारखंड राज्यातील टोळीने जिल्ह्यात बस्तान बसविले होते. रामानंदनगर पोलिसांनी या टोळीचा पर्दाफाश केला. (4 juvenile criminals arrested with 43 mobile phones jalgaon news)

सहा अल्पवयीन मुलांसह त्यांच्याकडून मोबाईल चोरी घडवून आणारे चार परप्रांतीय तरुणांना अटक केली आहे. त्यांच्याकडून ४३ मोबाईल पोलिसांनी जप्त केले आहेत.

पिंप्राळा आठवडेबाजार आणि महाबळ परिसरातून अनुक्रमे ७ आणि १३ एप्रिलला दोन घटनांमध्ये हातातील मोबाईल हिसकावून नेले होते. याबाबत रामानंदनगर पोलिस ठाण्यात दोन स्वतंत्र गुन्हे दाखल झाले आहेत.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

पाेलिस निरीक्षक शिल्पा पाटील, सहाय्यक निरीक्षक रोहिदास गभाले, गुन्हे शोध पथकाचे संजय सपकाळे, सुशील चौधरी, रेवानंद साळुंखे, रवींद्र चौधरी, राजेश चव्हाण, विजय खैरे, चंद्रकांत पाटील, अतुल चौधरी, उमेश पवार, ईश्वर पाटील, अनिल सोनवणे, दीपक वंजारी, संतोष पाटील यांनी अल्पवयीन मुलांना विश्वासात घेत त्यांच्याकडून माहिती मिळवून छोटेलाल राजेंद्र यादव (वय २७), तुफान रघू रिखियासन (२०), बारिश अर्जुन महंतो (२१), जानी सार मोहंमद (२३, चौघे रा. महाराजपूर साहेब गंज, झारखंड) यांना अटक केली. त्यांच्याकडून एकूण ४३ मोबाईल पथकाने जप्त केले. पोलिस उपनिरीक्षक गोपाल देशमुख तपास करीत आहेत.