भुसावळ : उपविभागात वाढती गुन्हेगारी लक्षात घेता, मंगळवारी (ता. १४) रात्री उशिरा अचानक पोलिसांनी(police) ऑल आउट ऑपरेशन(all out operation) मोहीम हाती घेतली. शहर, बाजारपेठ, तालुका आणि नशिराबाद(nashirabad) पोलिस ठाणे हद्दीत ही कारवाई करण्यात आली. पोलिसांनी दोन संशयितांना अटक केली, तर ११ वाहनांवर कारवाई केली.

अशी झाली कारवाई

मंगळवारी रात्री अकरा ते मध्यरात्री तीनपर्यंत पोलिसांनी ‘ऑल आउट ऑपरेशन’ राबविले. या कारवाईदरम्यान एनबीडब्ल्यू वॉरंट बजावणी- सहा, बीडब्ल्यू वॉरंट बजावणी- दोन, समन्स बजावणी- ५३, २२ संशयितांची झाडाझडती घेतली असता, यातील एक संशयित मिळून आला. महाराष्ट्र पोलिस कायदा १२२ प्रमाणे गुन्हे दाखल असलेल्या दोन संशयितांना अटक करण्यात आली. नाकाबंदीदरम्यान ११ वाहनांवर दंडात्मक कारवाई केली. एक वाहन पडताळणीसाठी डिटेन केले आहे. तडीपार असलेले ११ संशयितांचा ठावठिकाणा घेतला असता, ते आढळून आले नाहीत. हिस्टरी शीटर्स असलेले ३२ संशयित तपासले. त्यापैकी २३ आढळून आले.

या पथकाकडून कारवाई

या कारवाईत पोलिस निरीक्षक शेंडे, नशिराबाद पोलिस ठाण्याचे सहाय्यक निरीक्षक मोरे, बाजारपेठचे सहाय्यक निरीक्षक धुमाळ, सहाय्यक निरीक्षक दुनगुहू, सहाय्यक निरीक्षक गोसावी, सहाय्यक निरीक्षक गोंटला, सहाय्यक पोलिस निरीक्षक पवार आदींचा सहभाग होता.