जळगाव : मुलीची छेडखानी केल्याच्या कारणावरून तरुणावर चॉपरने वार करून जखमी केल्याची घटना रामेश्वर कॉलनीत घडली. एमआयडीसी पोलिस ठाण्यात याप्रकरणी गुन्हा दाखल करण्यात आला आहे.

मेहरुण परिसरातील रामेश्वर कॉलनी येथील रहिवासी सुरेश सोनवणे (वय २६), शंकर सोनवणे याने एका मुलीचे नाव घेतल्याच्या कारणावरून मंगळवारी (ता. १७) रात्री ११.३० वाजेच्या सुमारास योगेश कोळी, नीलेश राजपूत यांच्यासह इतर दोन हल्लेखोरांनी शंकर सोनवणे दुचाकीने रामेश्वर कॉलनीतील अशोक किराणा दुकानासमोरून जात असताना त्याचा रस्ता अडवला. मुलीचे नाव का घेतले असे, बोलून मारहाण केली. योगेश व नीलेश यांनी चॉपरने शंकरवर वार करून जखमी केले. जखमीवस्थेत तरुणाला शासकीय वैद्यकीय महाविद्यालयात उपचारार्थ दाखल करण्यात आले.

गुन्हा दाखल

जखमीने दिलेल्या जबाबावरून संशयित आरोपी योगेश कोळी, नीलेश राजपूत यांच्यासह इतर दोघा हल्लेखोरांविरुद्ध एमआयडीसी पोलिस ठाण्यात गुन्हा दाखल करण्यात आला आहे. पुढील तपास पोलिस उपनिरीक्षक दीपक जगदाळे करीत आहे.