जळगाव : बसमधील मुलींना अश्लाख्य हातवारे करणाऱ्या नारळपाणी विक्रेत्यास जमावाने चोपले. मदरशातील मुलींना महिनाभरापासून हर्शल गोकुळ पाटील (वय २४, रा. मेहरुण) त्रास देत होता. बस थांबवून केअरटेकर महिलेने जाब विचारला असता, त्या महिलेवर हात उगारल्याने परिसरात तणाव निर्माण झाला होता. जळगाव शहरातील विविध भागांतून शाहूनगरमधील जामेआतुल-मक्सुरात शिक्षण संस्थेत मुली शिक्षणाला येतात. (Beating a coconut seller for misbehave with bus travel girl Jalgaon Crime News)
सोमवारी (ता. २१) बसचालक हसन मुसा मणियार बस (एमएच ०४, वाय २८८७)मधून मुलींना घेऊन जात असताना, बहिणाबाई उद्यानाजवळील पंचम हॉस्पिटलखाली नारळपाणीची गाडी लावणारा तरुण मुलींना इशारे करीत होता.
मुलींनी बसमधील केअरटेकर हसिनाबी जब्बार पटेल यांना दाखविले. तातडीने तिथेच बस थांबवून त्यांनी तरुणाला जाब विचारला असता, त्याने त्या महिलेच्या अंगावर हात उगारला. चौकात गर्दी होऊन नारळपाणी विक्रेत्यास चोप देत जिल्‍हापेठ पोलिसांच्या स्वाधीन केले. अप्पर पोलिस अधिक्षक चंद्रकांत गवळी, उपअधीक संदिप गावित यांनी तत्काळ अधिकाऱ्यांना कारवाईच्या सूचना दिल्या.
बस थेट पोलिस ठाण्यात
बसमध्ये ८ ते १५ वयोगटातील मुलींना हातवारे करणारा हर्शल पाटील याला पोलिसांनी ताब्यात घेतल्यावर मुलींना घेवून बस थेट जिल्‍हापेठ पोलिस ठाण्यात धडकली. मुलींनी पोलिस अधिकाऱ्याकडे त्याची तक्रार केली. त्याच्याविरुद्ध गुन्हा दाखल झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.