Jalgaon Crime News : शहरातील वाघुळदे नगरातील पती-पत्नीत गुरुवारी (ता.१४) कडाक्याचे भांडण होऊन पतीने पत्नीला बेदम मारहाण केल्याने पत्नी जखमी झाली.

मुलास तापाचे औषध का दिले नाही यावरुन पतीने मारहाण केलल्याची तक्रार पीडित पत्नीने पोलिसांत दिली आहे.()

वाघुळदे नगरातील श्री हाईटर्स अपार्टमेंट येथील रहिवासी ममता सरदारसिंग पदरेशी (वय-३७ वर्षे) यांनी दिलेल्या तक्रारीनुसार, गुरुवारी (ता. १४) रात्री ८ वाजेच्या सुमारास ममता यांचे पती सरदारसिंग यांच्यात मुलास तापाचे औषध का दिले नाही यावरुन वादाला सुरवात झाली.

वादाचे पर्यावसन हाणामारीत होऊन पतीने हातातील चावीने फिर्यादीच्या कपाळावर मारहाण केली.

सोबतच उचलून पटकल्याने टि-पॉयची काच मांडीत घुसल्याने ममता यांना गंभीर दुखापत होऊन त्या जखमी झाल्या आहेत.

याप्रकरणी शहर पोलिसांत पती सरदारसिंग यांच्याविरुद्ध गुन्हा दाखल करण्यात आला असून तपास पोलिस नाईक बालाजी बारी करत आहेत.