Brutal murder of young man in Jalgaon due to previous enmity crime news 
जळगाव

Jalgaon Crime News: पूर्ववैमनस्यातून जळगावात तरुणाचा निर्घूण खून; संशयिताच्या शोधासाठी गुन्हेशाखेची पथके रवाना

सकाळ वृत्तसेवा

Jalgaon Crime News : शहरातील समतानगर येथे रविवारी (ता. १०) दुपारी जुन्या वादातून तरुणाचा चॉपरने वार करून निर्घृण खून केल्याची घटना घडली.

अरुण बळिराम सोनवणे (वय २८, रा. समतानगर) असे मृताचे नाव असून, अरुणला वाचवण्यास गेलेले दोघे गंभीर जखमी झाले असून, त्यांच्यावर जिल्‍हा रुग्णालयात उपचार सुरू आहेत. (Brutal murder of young man in Jalgaon due to previous enmity crime news)

अरुण सोनवणे याचा काही तरुणांसोबत जुना वाद होता. हाणामारीनंतर प्रकरण पोलिसांत पोचले. मात्र हा वाद मिटविण्यात आला होता. वाद मिटल्याचे अरुण व त्याच्या भावांना वाटत असतानाच रविवारी दुपारी साडेचारच्या सुमारास अरुणला वाद मिटविण्यासाठी काही जणांनी वंजारी टेकडीवर बोलावले होते.

अरुण तेथे एकटाच गेला असता चार ते पाच जणांनी त्याच्यावर चॉपरने वार करून खून केला. अरुणला वाचवताना त्याचा भाऊ गोकुळ बळिराम सोनवणे आणि आशिष संजय सोनवणे हे दोघेही गंभीर जखमी झाले.

अरुणसह जखमींना वाहनाने शासकीय वैद्यकीय महाविद्यालय व रुग्णालयात आणण्यात आले. तेथे वैद्यकीय अधिकारी डॉ. सचिन पाटील यांनी अरुण सोनवणेला मृत घोषित केली. समतानगरातील तरुणांसह मित्रपरिवार आणि नातेवाइकांनी रुग्णालयात गर्दी केली होती.

मृत अरुण खुनाच्या गुन्ह्यात कारागृहात होता. काही महिन्यापूर्वीच त्याची निर्दोष मुक्तता झाली होती. तो गाफील राहिल्याने त्याची हत्या झाली.

जिल्‍हा रुग्णालयात कोणताही अनुचित प्रकार घडू नये म्हणून रॅपिड ॲक्शन फोर्ससह अतिरिक्त पोलिस कुमक मागविण्यात आली होती. संशयितांना अटक करण्यासाठी वरिष्ठ पोलिस निरीक्षक किसन नजन पाटील यांनी गुन्हेशाखची पथके रवाना केली. संशयितांना लवकरच अटक होईल, अशी माहिती त्यांनी दिली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Assembly Election 2024 Results Vote Counting Live Updates: पुणे जिल्ह्यात महायुती, महाविकास आघाडी यांच्यापैकी कोणाला मिळणार मतदारांचा कौल?

Mumbai Assembly Election Results 2024 LIVE Counting: मुंबईत नक्की कोण मारणार बाजी? वाचा एका क्लिकवर

Chopda Assembly Election 2024 Result Live: चोपडा विधानसभा मतदारसंघात महाविकास आघाडी विरुद्ध महायुतीत काटे की टक्कर..!

Islampur Assembly Election 2024 Results : जयंत पाटील विरुध्द निशिकांत पाटील

Erandol Parola Assembly Election 2024 result live : एरंडोल पारोळ्यात कोण मारणार बाजी?

SCROLL FOR NEXT