Jalgaon Accident News : नशिराबादवळील उड्डाणपुलावर भुसावळकडून जळगावकडे सुसाट जाणाऱ्या कारचे टायर फुटले. यामुळे कार उलटली. या अपघातात जिल्‍हा केमिस्ट संघटनेचे अध्यक्ष सुनील भंगाळे यांच्यासह इतर बालंबाल बचावले. (car overturned due to burst tyre jalgaon accident news)

माजी महापौर विष्णू भंगाळे यांचे बंधू तथा जिल्हा केमिस्ट संघटनेचे अध्यक्ष सुनील भंगाळे शनिवारी (ता. २२) दुपारी भुसावळकडून जळगावकडे येत असताना, नशिराबादजवळील उड्डाणपुलावर कार (एमएच १९, सीओ ८२४०)चे टायर अचानक फुटल्याने चालकाचे स्टेअरिंगवरील नियंत्रण सुटले व कार उलटली.

इतर वाहनधारकांनी कारमधून एका मागून एकाला बाहेर काढून तातडीने उपचारासाठी रवाना केले. अपघातग्रस्त कारमध्ये जिल्‍हा केमिस्ट असोसिएशनचे अध्यक्ष सुनील भंगाळे यांच्यासोबत सचिव अनिल झंवर, इरफान सालार, दिनेश मालू होते.

हेही वाचा : Credit Card फसवणूक....काय घ्याल काळजी?

अपघातात किरकोळ दुखापत वगळता कोणासही मोठी इजा झालेली नाही. अपघातग्रस्त कार अनिल झंवर यांची असल्याची माहिती समोर आली आहे.

रात्री उशिरापर्यंत नशिराबाद पोलिसांत या प्रकरणी कुठलीही नोंद झाली नव्हती. मात्र, कार ताब्यात घेतल्याची माहिती नशिराबाद पोलिसांनी दिली.