जळगाव : विचारांच्या गर्तेत अडकलेल्या... सिगारेट पीत दूरवर एकटक बघत बसणाऱ्या... मात्र, कुणाला कधीही त्रास न देणाऱ्या त्या व्यक्तीचे वाटसरूंना कुतूहल वाटे... एका उच्च पदावरील व्यक्तीनेही त्याला अनेक दिवस न्याहळले आणि त्याला माणसात आणण्याचे आवाहन स्वीकारत रुग्णालयात दाखल केले.
गर्भश्रीमंत पण आयुष्याची वाट चुकलेल्या तरुणावर सामाजिक बांधिलकीतून डॉ. उल्हास पाटील वैद्यकीय रुग्णालयाच्या मानसोपचार विभागाने उपचार सुरू केले आहेत.
मानसिक संतुलन गमावलेला हा तरुण डॉ. उल्हास पाटील यांच्या दृष्टिपथास पडला. डॉ. पाटील यांनी मानसोपचारतज्ज्ञांशी त्यांनी या तरुणाच्या अवस्थेबाबत चर्चा केली. या तज्ज्ञांनीही त्याच्यावर उपचार करून त्याला मुख्य प्रवाहात आणण्याची जबाबदारी स्वीकारली. या तरुणावर उपचार सुरू झाले असून, सकारात्मक प्रतिसादही मिळत आहे.
''रुग्णालयात व्यसनमुक्ती केंद्र सुरू करण्यात आले आहे. व्यसनामुळे वाट चुकलेल्या देशाचे भवितव्य असलेल्या भावी पिढीला मुख्य प्रवाहात आणण्याचे काम मानसोपचार विभाग करणार असून, तरुणांनी या कार्यास सहकार्य करावे.''
-डॉ. उल्हास पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.