जळगाव : जिल्हा मार्केटिंग फेडरेशनतर्फे हरभरा नोंदणी (Gram registration) सुरू झालेली असून, आतापर्यंत ७५० शेतकऱ्यांनी ऑनलाइन नाव नोंदणी केलेली आहे. (Gram registration started by District Marketing Federation jalgaon news)

शासकीय हमीभावाप्रमाणे ५३३० हा शासकीय दर असून, हेक्टरी १३.५० क्विंटल हरभरा स्वीकारण्याचे धोरण शासनाने अवलंबले आहे. एका शेतकऱ्याला कमीत कमी २७ क्विंटल हरभरा विक्री करण्याची परवानगी देण्यात आली असून, शेतकऱ्यांनी त्वरित आपली नाव नोंदणी जिल्हा मार्केटिंग फेडरेशन येथे करावी, बाहेर बाजारात व्यापारी मंडळी ४६००- ४७०० रुपये भावाने हरभरा खरेदी करत आहे.

त्यात शेतकऱ्यांचे प्रचंड नुकसान होत आहे तरी शेतकऱ्यांनी जळगाव जिल्हा मार्केटिंग फेडरेशनकडे नाव नोंदणी करावी, लवकरात लवकर शेतकऱ्यांचा हरभरा खरेदी सुरू करण्यात येईल.

हेही वाचा : तुमच्याकडं कागदी स्वरुपातले शेअर आहेत? मग हे वाचाच....

येत्या पंधरा मार्चनंतर खरेदी सुरू होईल, असे आवाहन जळगाव जिल्हा मार्केटिंग फेडरेशनचे संचालक वाल्मीक पाटील यांनी केलेले आहे. श्री. पाटील यांनी सांगितले, की ही नोंदणी कधीपासून सुरू करण्यासाठी शासनाकडे पाठपुरावा सुरू होता, परंतु शासनाच्या दिरंगाईमुळे नोंदणी घेण्यासाठी विलंब लागला.