जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या प्राध्यापक व त्यांच्या विद्यार्थिनीस सायबर सुरक्षेसंदर्भात सुरक्षित विसंगतीवर आधारित कार्यक्षम प्रत्यक्ष वितरित घुसखोरी शोधप्रणालीसाठी (SABER-DIDS) विकसित केलेल्या संशोधनासाठी भारत सरकारचे पेटंट मिळाले आहे.

संगणकशास्त्र प्रशाळेचे संचालक व वरिष्ठ प्राध्यापक डॉ. सतीश कोल्हे व त्यांच्या विद्यार्थिनी डॉ. शर्मिला किशोर वाघ, असे पेटंट मिळविणाऱ्या गुरू-शिष्याचे नाव आहे. (Innovation Story Teacher Disciple Cyber ​​Security Research Patented Approve Jalgaon News)

...अशी आहे यंत्रणा

इंद्रुजन डिटेक्शन सिस्टम (आयडीएस) ही एक अशी प्रणाली आहे. जी संशयास्पद क्रियाकलापांसाठी नेटवर्क रहदारीचे निरीक्षण करते आणि जेव्हा अशी क्रियाकलाप आढळली तेव्हा सूचना जारी करते. हे एक सॉफ्टवेअर आहे. जे हानिकारक क्रियाकलाप किंवा धोरण उल्लंघनासाठी नेटवर्क किंवा सिस्टम स्कॅन करतो आणि ती माहिती सामान्यतः प्रशासकाला कळविली जाते किंवा सुरक्षा माहिती आणि कार्यक्रम व्यवस्थापनप्रणाली वापरून केंद्रस्थानी गोळा केले जाते. ही सिस्टीम एकाधिक स्त्रोतांकडून आउटपूट करते आणि खोट्या अलार्मपासून क्रियाकलाप वेगळे करण्यासाठी अलार्म फिल्टरिंग तंत्र वापरते.

सायबर सुरक्षेसाठी महत्त्वाचे

सायबर सुरक्षेसंदर्भातील टेक्नॉलॉजीतील हे महत्त्वाचे संशोधन असून, माहिती तंत्रज्ञान क्षेत्रात फार उपयोगाचे ठरणार आहे. एकप्रकारे ते वरदान असणार असून, या संशोधनामुळे कवयित्री बहिणाबाई चौधरी उत्तर महाराष्ट्र विद्यापीठाच्या व संगणकशास्त्र प्रशाळेच्या गौरवात भर पडली आहे. याबद्दल विद्यापीठाचे कुलगुरू प्रा. व्ही. एल. माहेश्वरी व प्र-कुलगुरू प्रा. एस. टी. इंगळे यांनी प्रा. डॉ. सतीश कोल्हे व त्यांच्या संशोधक चमूचे अभिनंदन केले आहे.