Jalgaon News : लोकसभा सार्वत्रिक निवडणुकीत मतदानावेळी मतदान केंद्रावर आपली ओळख पटवून देण्यासाठी मतदारांना देण्यात आलेले मतदार ओळखपत्राशिवाय, बारा प्रकारचे पुरावे ग्राह्य धरले जाणार असल्याचे आदेश निवडणूक आयोगाने दिले आहेत. जळगाव जिल्ह्यातील रावेर व जळगाव लोकसभा मतदारसंघात १३ मेस मतदान होणार आहे. (Jalgaon 12 proofs will be considered for identification at time of voting)

मतदानावेळी मतदारांना दिलेले निवडणूक ओळखपत्र याशिवाय पारपत्र (पासपोर्ट), वाहनचालक परवाना (लायसन्स), केंद्र, राज्य शासन, सार्वजनिक उपक्रम, सार्वजनिक मर्यादित कंपनीचे स्वतःचे छायाचित्र असलेले ओळखपत्र, बँक, टपाल विभागातर्फे छायाचित्रासह वितरित करण्यात आलेले पासबुक, पॅनकार्ड.

रजिस्टर जनरल ऑफ इंडियाद्वारे नॅशनल पोपुलेशन रजिस्टर अंतर्गत निर्गमित करण्यात आलेले स्मार्ट कार्ड, मनरेगा अंतर्गत निर्गमित करण्यात आलेले जॉब कार्ड, भारत सरकारच्या सर्व मंत्रालयाच्या योजनेंतर्गत निर्गमित हेल्थ इन्शुरन्स स्मार्ट कार्ड. (latest marathi news)

छायाचित्र असलेले निवृत्तिवेतनाची कागदपत्रे, खासदार आमदारांना देण्यात आलेली अधिकृत ओळखपत्र, आधार कार्ड, भारत सरकारच्या सामाजिक न्याय व सशक्तीकरण मंत्रालयाने जारी केलेले विशेष विकलांगता प्रमाणपत्र हे १२ पुरावे मतदानासाठी आवश्यक असणार आहेत.