Jalgaon Rain Update : जिल्ह्यात दोन दिवसांपासून मान्सून पुन्हा सक्रिय झाला आहे. शनिवारी (ता. ६) व रविवारी (ता. ७) अधूनमधून पावसाने दमदार हजेरी लावली. यामुळे बळीराजा सुखावला आहे. आतापर्यंत जिल्ह्यात १८३ मिलिमीटर पावसाची नोंद झाली आहे. जिल्हयात खरिपाच्या ७० टक्के पेरण्या पूर्ण झाल्या आहेत. (183 mm of rain stopped for 2 days Towards completion of sowing)

२२ जूनपर्यंत पावसाने ओढ दिली होती. जवळपास प्रत्येक तालुक्यांत हलका ते मध्यम स्वरूपाचा पाऊस पडला होता, तर काही ठिकाणी पाऊस पडलाच नव्हता. यामुळे शेतकऱ्यांमध्ये चिंतेचे वातावरण होते. सध्या दोन दिवसांपासून अधून मधून मात्र दमदार पाऊस झाल्याने ठिकठिकाणी पावसाचे पाणी साचले आहे.

दिवसभर ढगाळ वातावरणही आहे. सर्वत्र हिरवळ झाली आहे. जून अखेरपर्यंत १६२.४ मिलिमीटर पाऊस झाला होता. त्यात गेल्या पाच दिवसांत १९ मिलिमीटरची भर पडली आहे. एकूण सरासरी १८३ मिलिमीटर पाऊस झाला आहे. (latest marathi news)

तालुकानिहाय आतापर्यंत झालेला पाऊस (मिलिमीटरमध्ये)

जळगाव--१९५.४

भुसावळ- १७३

यावल--१३८

रावेर--१०१.५

मुक्ताईनगर--१४९.०

अमळनेर-- १८१.४

चोपडा--९०.३

एरंडोल--१३७.७

पारोळा--१२३.३

चाळीसगाव- १८३.१

जामनेर--१४८.९

पाचोरा--१९५.५

भडगाव--१६२.६

धरणगाव--१२०.५

बोदवड--१८२.०