Jalgaon Accident News : जळगाव-पाचोरा रोडवरील वावडदा गावाजवळील वळणावर खासगी बस व डंपर यांच्यात गुरुवारी (ता. १) सकाळी साडेदहाच्या सुमारास अपघात झाला. अपघातात लक्झरीतील २० प्रवाशी जखमी झाले असून, जखमींवर शासकीय रुग्णालयात उपचार सुरू आहेत. १६ प्रवाशांना जबर दुखापत, तर चौघेही किरकोळ जखमी झाले आहे. जखमींमध्ये पाचोरा तालुक्यातील नांद्रा येथील १४ प्रवाशांचा समावेश आहे. (20 injured in dumper private bus collision)
असा घडला अपघात
पाचोरा-जळगाव खासगी बस (एमएच १९, वाय ३३५९) पाचोरा येथून प्रवासी भरून जळगावकडे येत होती. वावडदाजवळ वळणावर पाचोऱ्याकडे जाणाऱ्या सुसाट डंपरने बसला जोरदार धडक दिली. यात खासगी बसमधील २० प्रवासी जखमी झाले, तर बसचे मोठे नुकसान झाले.
ग्रामस्थांची धाव
अपघात झाल्याची माहिती कळताच वावडदा ग्रामस्थ, शेतातील मजूर, तरुणांनी मदतीसाठी धाव घेतली. स्टिअरिंगमध्ये अडकलेल्या चालकाला प्रयत्नपूर्वक बाहेर काढले. अपघातात बसमधील २० प्रवासी जखमी झाले. त्यांना मिळेल त्या वाहनाने जळगाव जिल्‍हा रुग्णालयात दाखल केले. घटनेची माहिती मिळताच पोलिसांनी जिल्‍हा रुग्णालय गाठून जखमींचे जबाब घेतले. (latest marathi news)
जखमी रुग्णालयात दाखल
अपघातात डंपरचालक संजय पुंडलिक महाजन (वय ३८), सिंधूबाई एकनाथ पाटील (वय ५०), सरुबाई विठ्ठल केळकर (वय ५५), इंदूबाई बिरबल राठोड (वय ४०), बिरबल हरसिंग राठोड (वय ५०), सुवर्णा भूषण पाटील (वय २८), प्रवीण सुरेश पाटील (वय ३५), मनीषा विनोद पाटील (वय ३८), रंजना पुना पाटील (वय ४५), पूजा कैलास पवार (वय ३८), सुरेखा नरेंद्र पाटील (वय ३८), आशा अशोक पाटील (वय ४०), आबा वसंत पाटील (वय ५०), करण बिरबल राठोड (वय १८, सर्व रा. नांद्रा, ता. पाचोरा), श्रीकृष्णा हरी माळी (वय ५२), अंजना श्रीकृष्ण माळी (वय ४५,दोन्ही रा. कुऱ्हाड, ता. पाचोरा) हे सर्व जखमी झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.