Farmer E-KYC : ‘तालुक्यात अद्याप ४ हजार ११८ शेतकऱ्यांचे ई-केवायसी प्रलंबित आहे. त्यामुळे डाटा ट्रान्स्फर करण्यासाठी महसूल विभागाला अडचण निर्माण होत असून, तालुक्यातील शेतकऱ्यांनी ३० जूनपर्यंत सेतू सुविधा केंद्रात जाऊन ई-केवायसी करावी, असे आवाहन तहसीलदार डॉ. उल्हास देवरे यांनी केले आहे. वर्ष २०२२ मध्ये सततचा पाऊस व नापिकीमुळे ‌तालुक्यातील शेतकऱ्यांचे मोठ्या प्रमाणात नुकसान झाले होते. ( 4 days left for Farmer E KYC till 30 june)

याबाबत शेतकऱ्यांना नुकसान भरपाई मिळावी, यासाठी विविध शेतकरी संघटना तसेच लोकप्रतिनिधींसह प्रसार माध्यमांनी शासनाचे लक्ष वेधून मदतीसाठी प्रयत्न केले होते. सततचा पाऊस व नापिकी संदर्भात तालुक्यात ५८ हजार शेतकऱ्यांचे नुकसान झाले होते. त्यापैकी आजवर ५३ हजार ८८२ शेतकऱ्यांची ई- केवायसी सेतू सुविधा केंद्रात करण्यात आली. (latest marathi news)

बऱ्याच शेतकऱ्यांच्या बँक खात्यावर भरपाई देखील जमा झाली आहे. मात्र तालुक्यात अजूनही ४ हजार ११८ शेतकरी ई-केवायसीचे बाकी आहे. दरम्यान, संबंधित शेतकऱ्याची ई-केवायसी न झाल्यास त्यास लाभ मिळणार नसून, ती रक्कम शासनास परत दिली जाणार आहे. त्यामुळे उर्वरित शेतकऱ्यांनी सेतू सुविधा केंद्रात जाऊन ई--केवायसी करावी, असे आवाहन करण्यात येत आहे.