रावेर : तालुक्यात गेले तीन दिवस पाऊस पडत असल्यामुळे खरिपाच्या ५० टक्के पेरण्या पूर्ण झाल्या आहेत. या पावसामुळे येत्या आठवड्यात खरिपाच्या शंभर टक्के पेरण्या होतील, अशी अपेक्षा आहे. दरम्यान, तालुक्यातील पाल व परिसरात कमी पाऊस पडला आहे. मात्र तीन दिवसांपासून ढगाळ वातावरण व सौम्य पाऊस यामुळे शेतकऱ्यांनी धूळ पेरणी केली आहे. (Jalgaon 50 percent sowing of Kharif)

रावेर तालुक्यात खरीप पिकासाठी सुमारे पंचवीस हजार हेक्टर क्षेत्र खरीप पिकांसाठी उद्दिष्ठ दिले आहे. मागील आठवड्यापर्यंत १२ हजार २०० हेक्टर क्षेत्रात खरिपाच्या पेरण्या झाल्या. मात्र तीन दिवसांपासून रात्री सतत पाऊस झाल्यामुळे येत्या आठवड्यात खरिपाच्या पेरण्या शंभर टक्के होतील, अशी अपेक्षा आहे. तीन दिवसांपासून सुरू असलेल्या पावसामुळे बागायती कपाशीची वाढ होत असून, पीक तरारत आहे. तर हळद व केळीलाही फायदा होत आहे. (latest marathi news)

तालुक्यात झालेल्या खरीप पिकाच्या पेरण्या व कंसात उद्दिष्ट असे : कापूस बागायती ९७०९ हेक्टर, जिरायती कापूस ३३२ (१७०४५), मका १३९५ (२१५०), ज्वारी ३०० (२४५०), मूग ३३ (४५०), उडीद ६७ (९८०), तूर १७२ (७५०), सोयाबिन १९२ (७००), भाजीपाला ७९, तसेच हळद, केळीची लागवड ही मोठ्या प्रमाणावर होत आहे. आतापर्यंत झालेली लागवड अशी, हळद ११६३, केळी १२ हजार ३८७,