Jalgaon Accident News : तालुक्यातील टेहू शिवारात असलेल्या वाकड्या पुलाजवळ दोन दुचाकींची समोरासमोर धडक झाल्याने त्यात एकाचा जागीच मृत्यू तर दुसरा जखमी झाला. ही घटना सोमवारी (ता. १) सायंकाळी सातच्या सुमारास घडली. (bike Accident one dead on spot and other injured )

शहरापासून तीन किलोमीटर अंतरावर असलेल्या टेहू शिवारातील वाकड्या पुलाच्या जवळपास सोमवारी (ता.१) सायंकाळी सातच्या सुमारास श्याम संभाजी पाटील (वय २८, रा. टेहू, ता. पारोळा) हा तरुण दुचाकीने (एमएच १९ एझेड ३६७६) येत असताना समोरून भरधाव वेगाने येणारी दुसरी दुचाकी (एमएच २०, सीएल ४६४०) वरील चालक विनोद विठ्ठल महाले याने जोरदार धडक दिली.

त्यात श्याम संभाजी पाटील यांचा जागीच मृत्यू तर विनोद महाले व समाधान कैलास अहिरे हे दोघे जखमी झाले. त्यांना तत्काळ १०८ रुग्णवाहिकेने पारोळा कुटीर रुग्णालयात उपचारार्थ दाखल करण्यात आले. या प्रकरणी पारोळा पोलिसात संजय राजाराम पाटील यांनी दिलेल्या फिर्यादीवरून अपघाताचा गुन्हा नोंदविण्यात आला आहे.