Jalgaon Crime News : येथील शिवकॉलनीत बंद घर फोडून चोरट्याने दीड लाख रुपये लंपास केले. इतर तीन घरांमध्येही चोरी केल्याचे उघडकीस आले आहे. शिवकॉलनीतील रहिवासी व सैन्य दलातील जवानाच्या पत्नी अश्विनी पाटील यांच्या काकांचे मंगळवारी (ता. १८) निधन झाल्याने त्या घराला कुलूप लावून मुलांसह नरडाणा (ता. शिंदखेडा) येथे अंत्यविधीसाठी गेल्या होत्या. ( 4 house burglaries in Parola one lakh in lieu of loot)

घर बंद असल्याचा फायदा घेत मध्यरात्री चोरट्याने घराचा कडीकोयंडा तोंडून घरात प्रवेश केला. कपाटातील सामान अस्ताव्यस्त करून कपाटातून सोन्याची चेन, अंगठी, चांदीच्या वस्तू, रोख दीड लाख घेऊन पसार झाले.

चोरटे एवढ्यावरच न थांबता जूला राहत असलेले प्रभाकर रुपा राठोड, रुखमाबाई गोपाल महाजन, जोरसिंग मंगतू पवार यांचेही बंद घराचे कुलूप तोडून रोकड व इतर वस्तू चोरून नेल्याचे समजते. मात्र, ही मंडळी बाहेरगावी असल्याने किती रक्कम चोरीला गेली, हे अद्याप कळू शकले नाही. याबाबत पारोळा पोलिसांत गुन्हा दाखल झाला आहे.