चोपडा : पूर्ववैमनस्यातून वारंवार दिल्या जाणाऱ्या मानसिक त्रासाला कंटाळून व जीवे मारण्याच्या धमकीमुळे तालुक्यातील घुमावल बुद्रूक येथील रहिवासी मंगेश रेवानंद पाटील (वय १७) या मुलाने राहत्या घरात गळफास लावून आत्महत्या केली. याप्रकरणी अटकेतील संशयितांना आज सोमवारी न्यायालयात हजर केले. न्यायालयाने त्यांना एक दिवसाची पोलिस कोठडी दिली आहे. (Tired of mental distress child took extreme step Suspects in police custody)

महेंद्र एकनाथ पाटील (वय ३८), मनोज पंढरीनाथ पाटील (४२) व पवन मगन पाटील (२९, सर्व रा. घुमावल बुद्रूक ता. चोपडा) अशी पोलिस देण्यात आलेल्या संशयित आरोपींची नावे आहेत. मंगेशने आत्महत्या केल्याची घटना काल रविवारी (ता.१६) पहाटे घडली.

याबाबतची फिर्याद मंगेशचे काका वसंत प्रेमराज पाटील यांनी चोपडा ग्रामीण पोलिस ठाण्यात दिली होती. त्यावरून वरील तिघांविरोधात गुन्हा दाखल करण्यात आला. या गुन्ह्यातील तिन्ही आरोपींना पोलिसांनी कालच अटक केली होती. याबाबतचा पुढील तपास पोलिस निरीक्षक कावेरी कमलाकर करीत आहेत.