जळगाव : शहरातील शिवाजीनगर भागातील प्रभात मेडिकल शेजारी राहणाऱ्या अठ्ठ्यांशी वर्षीय आजीबाईला मारहाण करून घरातून दागिने व रोकड लंपास केल्याची घटना घडली. या प्रकरणी जखमी वृद्ध महिलेच्या तक्रारीवरुन शहर पेालिस ठाण्यात गुन्हा दाखल करण्यात आला आहे. शहरातील शिवाजीनगर परिसरात प्रभात मेडिकल शेजारी गोदावरी पंडित पाटील (वय ८८) ही वृद्ध महिला वास्तव्यास आहे. (Elderly grandmother was beaten up by her grandson who stole jewellery and cash along with Rs 4 lakh instead )

दरम्यान, २३ ऑगस्टला सकाळी अकराच्या सुमारास नेहमीप्रमाणे त्या घरात एकट्या असताना त्यांचा नातू संशयित योगेश संतोष पाटील (वय ४५) हा घरी आला. पैशांसाठी वाद घालून त्याने आजीबाईला धमकावून ५ तोळे वजनाच्या २ सेान्याच्या पाटल्या, १ तोळे वजनाची मोहनमाळ, २० हजार रुपये रोख असा एकूण ३ लाख ७० हजारांचा ऐवज लंपास केला. या प्रकरणी वयोवृद्ध आजीबाईने शहर पोलिस ठाण्यात तक्रार दिल्यावरून संशयित योगेश पाटील याच्याविरुद्ध गुन्हा दाखल करण्यात आला आहे. सहाय्यक निरीक्षक रामचंद्र शिखरे तपास करीत आहेत.