मुक्ताईनगर : पुनर्रचित हवामानावर आधारित फळ पीकविमा योजना आंबिया बहार २०२३-२४ मधील फळपिकाच्या अनुषंगाने महावेध माहिती (डेटा)नुसार ऑक्टोबर ते मार्चमध्ये जिल्ह्यातील ८४ महसूल मंडलात सलग पाच दिवस तापमान ४५ अंश व त्यापेक्षा जास्त राहिल्याने केळी पिकाला जास्त तापमानाचा फटका बसून, बऱ्याच शेतकऱ्यांचे नुकसान झाले असून, या शेतकऱ्यांना निकषाप्रमाणे नुकसान भरपाई मंजूर होणार आहे. (Fruit crop insurance farmers will get benefit of 327 crores)

पूर्वी जानेवारीमध्ये सलग तीन दिवस कमी तापमानामुळे विमाधारक शेतकऱ्यांना नुकसान भरपाई मंजूर झाली असून, असे कमी व जास्त तापमानामुळे झालेल्या एकूण नुकसान भरपाईची ३२७ कोटी ५५ लाख १५ हजार १८४ रुपये एवढी एकत्रित रक्कम काही दिवसांत जळगाव जिल्ह्यातील विमाधारक शेतकऱ्यांच्या बँक खात्यावर जमा होणार आहे, अशी माहिती केंद्रीय राज्य मंत्री रक्षा खडसे यांनी दिली. (latest marathi news)

भरपाईस पात्र तालुका व महसूल मंडले

भुसावळ : कुऱ्हे प्र. नशिराबाद, पिंपळगाव खुर्द, वरणगाव

बोदवड : बोदवड, करंजी, नाडगाव

चोपडा : अडावद, चहार्डी, चोपडा, धानोरा प्र. अडावद, गोरगावले बुद्रुक, हातेड बुद्रुक, लासूर

जामनेर : जामनेर, मालदाभाडी, नेरी बुद्रुक, पहूर, फत्तेपूर, शेंदुर्णी, तोंडापूर, वाकळी

मुक्ताईनगर : अंतुर्ली, घोडसगाव, कुऱ्हे, मुक्ताईनगर

रावेर : ऐनपूर, खानापूर, खिर्डी बुद्रुक, खिरोदे प्र. यावल, निंभोरा बुद्रुक, रावेर, सावदा

यावल : भालोद, बामणोद, फैजपूर, किनगाव बुद्रुक, साकाळी, यावल

अमळनेर : अमळगाव, अमळनेर, भरवस, मारवड, पातोंडा, शिरुड, वावडे

भडगाव : आमडदे, भडगाव, कजगाव, कोळगाव

चाळीसगाव : बहाळ, चाळीसगाव, हातळे, खडकी बुद्रुक, मेहुणबारे, शिरसगाव, तळेगाव

धरणगाव : चांदसर बुद्रुक, धरणगाव, पाळधी बुद्रुक, पिंप्री खुर्द, साळवे, सोनवद बुद्रुक

एरंडोल : एरंडोल, कासोदा, रिंगणगांव, उत्राण गुजर हद्द

जळगाव : असोदा, भोकर, जळगाव, म्हसावद, नशिराबाद, पिंप्राळा

पाचोरा : गाळण बुद्रुक, कुऱ्हाड खुर्द, नगरदेवळे बुद्रुक, नांद्रा, पाचोरा, पिंपळगाव बुद्रुक, वरखेडी बुद्रुक

पारोळा : बहादरपूर, चोरवड, पारोळा, शेळवे बुद्रुक, तामसवाडी