Jalgaon Lok Sabha Election : रावेर आणि जळगाव लोकसभा सार्वत्रिक निवडणूकीसाठी १३ मेस झालेल्या मतदानाच्या मोजणीची तयारी अंतिम टप्प्यात आली आहे. मतमोजणीसाठी प्रत्येक लोकसभेच्या ६ विधानसभा क्षेत्रनिहाय १४ टेबल लावले जाणार आहेत. जळगाव शहरासाठी २५ तर विधानसभांसाठी १८ फेऱ्यांद्वारे मतमोजणी होणार असल्याची माहिती जिल्हाधिकारी आयुष प्रसाद यांनी पत्रकार परिषदेत दिली. (Preparations for counting of Lok Sabha votes are underway )

मतमोजणीसाठी सहा विधानसभा क्षेत्रानुसार प्रत्येकी १४ टेबल लावले जातील. त्यासाठी तीन अधिकारी, मोजणी सहायक असे १६८ अधिकारी कर्मचारी नियुक्त करण्यात आले आहेत. जळगाव लोकसभेसाठी १४ उमेदवारांचे प्रत्येकी टेबलवर एक असे १४ तर रावेर लोकसभेसाठी २४ उमेदवारांचे २४ असे प्रतिनिधी उपस्थित राहू शकतील.

तीन प्रकारे मोजणी

तीन टप्प्यात मतमोजणी होणार असून पहिल्या टप्प्यात पोस्टल मतदान यात गृह मतदान (ज्येष्ठ दिव्यांग व्यक्तींचे होम वोटींग), निवडणूक कामी नियुक्त अधिकारी कर्मचाऱ्यांचे मतदान तर सैन्यदलातील सर्विस वोटर यात सर्वात जास्त मतदान पाचोरा तालुक्यात असून त्यांचे इटीपीबीएस याचे जळगावसाठी ६ तर रावेर ४ टेबलवर प्रथम स्कॅनिंग केले जाईल. पोस्टल मतदानात जळगावसाठी १२ तर रावेरसाठी १० टेबल असतील. (latest marathi news)

मतमोजणीसाठी देखील प्रत्येक ३ विधानसभा क्षेत्रासाठी एक असे ३ निवडणूक निरीक्षक नियुक्त करण्यात आले आहेत. डॉ.राहूल गुप्ता आणि अरूणकुमार झा यांच्यासह मुक्ताईनगर, जामनेरसाठी महेन्द्र पाल, अमळनेर चोपडा रावेर साठी अशोककुमार यांची तर निवासी उपजिल्हाधिकारी सोपान कासार हे नियंत्रण अधिकारी म्हणून काम पहाणार आहेत.

सुरक्षा यंत्रणा सज्ज

इव्हीएम मतदान यंत्रे व कंट्रोल युनिट स्ट्राँगरूमध्ये तसेच बाहेरीत परिसरात देखील सीसीटीव्हीसह अत्यंत कडकोट सुरक्षा व्यवस्था तैनात आहे. सद्यस्थितीत उष्णतामान पहाता कुलर वातानुलीत यंत्रांची तसेच पाणी, वीज आरोग्य अत्यावश्यक सुविधांची मतमोजणी ठिकाणी परिपूर्ण व्यवस्था करण्यात आली आहे.

स्ट्राँगरूमकडे फक्त एकाच उमेदवाराची पाहणी

मतदानानंतर जळगाव आणि रावेर मधील विधानसभा क्षेत्रनिहाय मतदान यंत्रे व साहित्य स्ट्रांगरूममध्ये कडेकोट सुरक्षेत ठेवण्यात आले आहेत. या ठिकाणी एका अपक्ष उमेदवाराव्यतिरिक्त अन्य कोणतेही उमेदवार वा त्यांचे प्रतिनिधी स्ट्राँगरूम परिसरात आले नाहीत.