पाचोरा : येथील महानुभाव पंथ, पुजारी भोपे व उपदेशी समाज बांधवांनी स्मशानभूमीची जागा नावे करून तेथे विविध सुविधांची मागणी करणारे निवेदन प्रांताधिकारी व तहसीलदारांना दिले आहे. (Make facilities in cemetery Demand of Pujari Bhope community)

निवेदनाचा आशय असा, की महानुभाव पंथ, पुजारी भोपे समाजाचे बहुसंख्य कुटुंब येथे वास्तव्यास असून, विविध सण, उत्सव होतात. समाजाच्या दफन विधीसाठी परधाडे रोडवरील पालिका हद्दीतील जागा अनेक वर्षांपासून आहे. तेथे दफनविधी केले जातात.

त्या ठिकाणी पालिकेने पाणीपुरवठा योजना योजनेचे बांधकाम व कचरा डेपो तयार केला आहे. त्यामुळे येथे दफनविधी केलेल्या ठिकाणी कचरा व घाणीचे साम्राज्य निर्माण झाल्याने समाजाच्या भावनांना ठेच पोचली आहे. ही जागा समाजाच्या दफन विधीसाठी वापरात असली, तरी ती अजून समाजाच्या नावे लागलेली नाही. (latest marathi news)

ही जागा समाजाचे नावे लावण्याची प्रक्रिया पूर्ण करावी. दफनभूमीत जाण्यासाठी रस्ता, बसण्यासाठी जागा व शेड, विजेचे काम व दिवे, संरक्षक भिंत, पाणी, देखभाल व दुरुस्ती या सुविधा उपलब्ध करून देऊन समाजास न्याय द्यावा, अशी मागणी करण्यात आली आहे.

निवेदनावर मिलिंद पुजारी, ॲड. सुदर्शन पुजारी, दीपक पुजारी, विलास खेडकर, प्रशांत पुजारी, चुडामण पुजारी, गोविंद पुजारी, अजय पुजारी, प्रकाश पुजारी, भिका पुजारी, तुषार पुजारी, विजय पुजारी आदी पदाधिकाऱ्यांच्या सह्या आहेत.