Jalgaon News : शहरासह जिल्ह्यात रविवारी (ता. २३) रात्री ढगांच्या गडगडाटासह पावसाने हजेरी लावली. शहरात रात्री पावणेदहाच्या सुमारास जोरदार पाउस सुरू झाला. शहरातील प्रजापतनगरातील ट्रान्सर्फामरवर वीज पडल्याने तो जळाला. यामुळे शिवाजीनगरसह परिसरात तब्बल १० तास वीजपुरवठा खंडित झाला होता.

जोरदार पाऊस अन्‌ विजांच्या कडकडाट रविवारी रात्री पाहावयास मिळाला. पावसाचे पाणी शहरातील रस्त्यावर साचले होते. सकाळपर्यंत अनेक ठिकाणचे पाणी साचलेले होते. (Jalgaon Prajapatnagar transformer burnt due to lightning )

पंधरा शेळ्यांचा मृत्यू

मौजे शिरसोदे (ता. पारोळा) येथील दामू लखा भिल यांच्या मालकीच्या १५ शेळ्या रविवारी रात्री झालेल्या पावसात वीज पडून मृत्यूमुखी पडल्या. पारोळा शहरात घरावर वीज पडून घर व इलेक्ट्रॉनिक वस्तूंचे नुकसान झाले आहे. सुदैवानी यात जीवितहानी झाली नाही. (latest marathi news)

शेतकरी शेतात

रविवारी रात्री चांगल्या पावसाने हजेरी लावली. सोमवारी (ता. २४) सकाळी शेतकरी शेतात पेरणीसाठी आले होते. काही ठिकाणच्या सखोल भागातील शेतात पाणी साचले होते. ते पाणी काढून शेतकऱ्यांनी पेरण्या केल्याचे दिसून आले. गेल्या २२ दिवस पावसाने ओढ दिली होती. रात्रीच्या पावसाने शेतकऱ्यांना दिलासा मिळाला आहे. शेतकरी जोमाने पेरण्या करताना दिसत आहेत.