Jalgaon Monsoon Season : शहराला शुक्रवारी (ता. २) दुपारी साडेचारच्या सुमारास धुव्वाधार पावसाने झोडपले. यामुळे शहरातील सखल भागात पाणीच पाणी साचले होते. शहरासह जिल्ह्यात आगामी दोन दिवस ३ व ४ ऑगस्टला विजांचा कडकडाटासह धुव्वाधार पाऊस होईल, असा अंदाज हवामान विभागाने वर्तविला आहे. शहरात गेल्या आठवडाभरापासून पावसाची रिपरिप सुरूच आहे. (rain for next 2 days Meteorological Department warns )

शुक्रवारी सकाळीही पावसाने जोरदार हजेरी लावली. नंतर पावसाने मोकळीक दिली. पुन्हा दुपारी साडेचार ते सायंकाळी सव्वापाचच्या सुमारास धुव्वाधार पाऊस झाला. यामुळे गटारी तुबूंन रस्त्यावर पाणी आले. काही वेळेतच शहरातील मध्यवर्ती ठिकाणी नवीपेठ, टॉवर चौक, गांधी मार्केट, बंक स्ट्रीट या परिसरात गुडघाभर पाणी साचले. इतर ठिकाणच्या गटारीही भरभरून वाहत होत्या. रस्त्यावर सर्वत्र पाणीच पाणी झाले होते. (latest marathi news)