जळगाव : विधान परिषदेच्या नाशिक विभाग शिक्षक मतदारसंघाची निवडणूक बुधवारी (ता. २६) होणार आहे. त्यासाठी जिल्ह्यात २० मतदान केंद्रांवर प्रत्येकी पाच अधिकारी व कर्मचाऱ्यांची नियुक्ती झाली आहे. तब्बल दोनशे कर्मचारी व अधिकारी तैनात केले आहेत. पूर्वी मतदानासाठी सकाळी ८ ते दुपारी ४ वेळ जाहीर झाली होती. मात्र, निवडणूक आयोगाने नवीन जारी केलेल्या कार्यक्रमानुसार सकाळी सात ते सायंकाळी सहापर्यंत मतदान होणार आहे. (Jalgaon Teacher Constituency Election)
नाशिक विभागीय आयुक्त प्रवीण गेडाम निवडणूक निर्णय अधिकारी आहेत. जिल्हाधिकारी आयुष प्रसाद सहाय्यक निवडणूक निर्णय अधिकारी आहेत. निवडणूक आयोगाच्या मान्यतेने जिल्ह्यातील १३ हजार १२२ मतदारांसाठी २० मतदान केंद्रे आहेत.
असे करावे लागेल मतदान
मतपत्रिकेसोबत जांभळा रंगाचा स्केच पेन पुरविला जाणार आहे. त्याच पेनने उमेदवाराच्या नावासमोर असलेल्या रकान्यात इंग्रजी किंवा रोमन भाषेत पसंती क्रमांक लिहावा लागणार आहे. ‘एक’ हा पसंती क्रमांक एकाच उमेदवाराच्या नावासमोर लिहावा लागणार आहे. त्यानंतर अन्य पसंतीक्रम देता येतील. (latest marathi news)
एखादी खूण केल्यास मतपत्रिका बाद ठरविली जाणार आहे. एखाद्या उमेदवाराला ‘एक’ हा पसंती क्रमांक आकड्यात दिल्यानंतर अन्य उमेदवारांना पसंती क्रमांक देणे ऐच्छिक आहे. त्यामुळे प्रत्येक मतदाराने जागृतपणे मतदान करावे, असे आवाहन सहाय्यक निवडणूक निर्णय अधिकारी तथा जिल्हाधिकारी प्रसाद यांनी केले आहे.
तहसील कार्यालयात मतदान केंद्रे
प्रत्येक मतदान केंद्रावर प्रत्येकी एक मतदान केंद्राध्यक्ष, सूक्ष्म निरीक्षक व प्रत्येकी ३ मतदान अधिकारी, असे पाच अधिकारी व कर्मचाऱ्यांची नियुक्ती झाली आहे. बहुतांश मतदान केंद्रे संबंधित तहसील कार्यालयातच आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.