Jalgaon News : नाशिक विभाग शिक्षक मतदारसंघासाठी बुधवारी (ता. २६) मतदान होणार आहे. मतदानाची तयारी निवडणूक यंत्रणेने पूर्ण केली आहे. मंगळवारी (ता. २५) दुपारी सर्वच मतदान केंद्रावर मतदान साहित्यासह अधिकारी व कर्मचारी पोलिस बंदोबस्तात रवाना झालेत. जिल्ह्यात निवडणुकीसाठी १३ हजार १२२ शिक्षक मतदार आहे. (Teacher Constituency Election)

त्यात ९ हजार ६७३ पुरुष, तर ३ हजार ४४९ स्त्री मतदार आहेत. मतदानासाठी १२० अधिकारी व कर्मचाऱ्यांची नियुक्ती करण्यात आली असून, प्रत्येक केंद्रासाठी केंद्राध्यक्ष, कर्मचारी, सूक्ष्म निरीक्षक, एक शिपाई व बंदोबस्तासाठी पोलिस कर्मचारी, भरारी पथकांची नियुक्ती करण्यात आली आहे. मतदानासाठी सर्व अधिकारी व कर्मचाऱ्यांचे प्रशिक्षण झाले असून, मंगळवारी कर्मचारी मतदान साहित्यासह मतदान केंद्रावर पोहोचले.

जळगाव जिल्ह्यातील चोपडा तालुक्यात १, यावल तालुक्यात १, रावेर तालुक्यात १, मुक्ताईनगर तालुक्यात १, बोदवड तालुक्यात १, भुसावळ तालुक्यात २, जळगाव तालुक्यात ३, धरणगाव तालुक्यात १. (latest marathi news)

अमळनेर तालुक्यात २, पारोळा तालुक्यात १, एरंडोल तालुक्यात १, भडगाव तालुक्यात १, चाळीसगाव तालुक्यात २, पाचोरा तालुक्यात १, जामनेर तालुक्यात १, असे एकूण २० मतदान केंद्रे आहेत.

जिल्ह्यातील जास्तीत जास्त शिक्षक मतदारांनी आपला मतदानाचा हक्क निर्भयपणे बजवावा, असे आवाहन जिल्हाधिकारी तथा जिल्हा निवडणूक निर्णय अधिकारी आयुष प्रसाद यांनी केले आहे.