Jalgaon News : चोपडा-वैजापूर रस्त्यावर सोमवारी (ता. १७) रात्री पावणेअकराच्या सुमारास नगर जिल्ह्याचे दोन तरुण मध्य प्रदेशातून गावठी कट्टे घेऊन जाताना चोपडा ग्रामीण पोलिसांना सापडले असून, त्यांच्यावर ग्रामीण पोलिस ठाण्यात अवैध शस्त्र बाळगल्या प्रकरणी गुन्हा दाखल झाला आहे. (Two arrested for carrying gun and cartridges Action of Chopda Rural Police )
वैजापूर गावाच्या अलीकडे बोरअंजटीकडे जाणाऱ्या रस्त्यावर तुषार हनुमंत पवार (वय २०), भरत सुखदेव जायगुळे (वय २२, दोघे रा. जामवाडी, ता. जामखेड, जि. अहमदनगर) यांच्याकडे दोन गावठी कट्टे व चार जिवंत काडतुसे आढळून आली. दोघांना अटक करण्यात आली आहे.
संशयितांकडून पन्नास हजार रुपयांचे दोन गावठी कट्टे, चार हजार रुपयांचे चार जिवंत काडतुसे, वीस हजार रुपयांचे दोन मोबाईल आणि तीस हजार रुपयांची एक दुचाकी पोलिसांनी हस्तगत केली आहे. पोलिस कर्मचारी रावसाहेब पाटील यांनी दिलेल्या फिर्यादीवरून तुषार हनुमंत पवार, भरत सुखदेव जायगुळे यांच्याविरुद्ध गुन्हा दाखल झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.