जळगाव : डेल्टा प्लस व्हेरिएंटचे सात रुग्ण जिल्ह्यात आढळून आल्यानंतर त्यातील ४ रुग्ण होमक्वारंटाईन होते. दुसरीकडे यातील काही रुग्णांनी सुरत येथून प्रवास केल्याची माहिती समोर येत आहे. त्या ठिकाणी प्रशासनाने आता लसीकरणावर अधिक भर दिला आहे. (jalgaon-new-variant-delta-plus-patient-travling-surat)

कोरोना तपासणी शिबिरात ६५ नागरिकांची तपासणी करण्यात आली होती. त्यापैकी सात जण कोरोना पॉझिटिव्ह आढळून आले होते. या रूग्णांचे अहवाल देखील दिल्ली येथे पाठविण्यात आले. काही दिवसांनी आरोग्य विभागाला या रुग्णांच्या संपर्कात आलेल्यांची तपासणी करण्याची सूचना मिळाली होती. या रुग्णांचे हायरिस्क कॉन्टॅक्ट असलेल्या ४५ जणांची तपासणी केली असता यात कुणीही बाधित आढळून आले नाही.

सातही रूग्णांमध्‍ये सुधारणा

डेल्‍टा प्‍लसचे आढळून आलेल्‍या सात रुग्णांपैकी ४ रूग्ण हे गृहविलगीकरणात तर ३ रुग्ण हे एका कोविड सेंटरला दाखल होते. मात्र, त्यांची प्रकृती आता सुधारली असल्याचे डॉक्टरांनी सांगितले. शिवाय या ठिकाणी शंभर जणांचे लसीकरण करून घेण्यात आले आहे. यांच्‍यातील कोणालाच लक्षण नसल्‍याचे डॉक्‍टरांनी सांगितले.