जळगाव : जळगाव शहराचे सौंदर्य असलेला मेहरूण तलाव जुलैत सुरु असलेल्या पावसाने (Rain) ६० टक्के भरला आहे. शंभर टक्के भरल्यानंतर मेहरूण तलावाच्या सांडव्यावरून पाणी वाहू लागेल. यासाठी शहरात अजून दमदार पावसाची गरज आहे.

पावसाने शुक्रवारी उघडीप दिल्याने मेहरूण तलावातील पाणी व नैसर्गिक सौंदर्य पाहण्यासाठी पर्यटकांची पावले मेहरूण तलावाकडे वळू लागली आहे. (Mehrun Lake is 60 percent full jalgaon Latest Marathi News)

मेहरूण तलावावर गणेश घाट तयार करण्यात आला आहे. तलाव पाहण्यासाठी आलेल्यांना बसण्यासाठी बाके बसविण्यात आली आहे. तलावाच्या अवतीभोवती काही ठिकाणी बाके बसविण्यात आली आहे.

त्यावर बसून तलावातील हेलकावे खाणाऱ्या पाण्याचे सौंदर्य जवळून पाहता येते. तलावात मासे असल्याने पानकोंबड्या तलावात जाऊन माशांवर ताव मारताना दिसतात. तलावाच्या चोहोबाजूंनी विविध प्रकारचे झाडे लावली आहे.