जळगाव : उद्धव बाळासाहेब ठाकरे शिवसेना गटाचे खासदार संजय राऊत यांचा न्यायालयाने जामीन मंजूर केल्याने शहरातील पदाधिकाऱ्यांनी जळगाव महापालिकेसमोर बुधवारी (ता. ९) आतषबाजी करून व पेढेवाटप करून जल्लोष केला.
मुंबई येथील पत्राचाळ घोटाळा प्रकरणात उद्धव बाळासाहेब ठाकरे शिवसेना गटाचे खासदार संजय राऊत यांना अटक करून न्यायालयीन कोठडी देण्यात आली होती. शंभर दिवसांपासून खासदार राऊत कारागृहात होते. (MP Sanjay Raut granted bail Cheers by Shiv Sena Thackeray group Jalgaon Political News)
न्यायालयाकडून जामीन मिळावा, यासाठी त्यांनी पीएमएलएल न्यायालयात अनेकदा अर्ज केले. मात्र, त्यांचा जामीन नाकारण्यात आला. बुधवारी न्यायालयाने जामीन मंजूर केला. यामुळे उद्धव बाळासाहेब ठाकरे शिवसेना गटातर्फे आतषबाजी करून व पेढेवाटप करून जल्लोष करण्यात आला.
विशेष म्हणजे महिला कार्यकर्त्यांनी फुगडी खेळून आनंदोत्सव साजरा केला. जिल्हाप्रमुख विष्णू भंगाळे, गजानन मालपुरे, महिला आघाडीच्या मंगला बारी यांच्यासह पक्षाचे प्रमुख पदाधिकारी व कार्यकर्ते उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.