New Year 2024 : यंदा २०२३ वर्ष समाप्तीनिमित्त साजरा होणारा थर्टी फर्स्ट योगायोगाने रविवारी असल्याने साऱ्यांच्याच उत्साह शिगेला पोहोचला आहे.

कौटुंबिक व सामूहिक पार्ट्यांचे आयोजन, नियोजन करण्यात अनेक जण व्यस्त झाले आहेत.(new year enthusiasm of thirty first started in youth jalgaon news)

सरत्या वर्षाला निरोप व नवीन वर्षाचे स्वागत या निमित्ताने दरवर्षीच ३१ डिसेंबरच्या रोजी विविध कार्यक्रमांसह लहान मोठ्या पार्ट्यांचे आयोजन केले जाते. यंदा थर्टी फर्स्ट रविवारी येत असल्याने सर्वांचा उत्साह शिगेला पोहोचला आहे.

यानिमित्त कौटुंबिक, कॉलनीनिहाय अथवा समूहासमूहाने पार्ट्यांचे आयोजन करण्यात आले आहे. त्यात चायनीज, केशरी दूध यासह मांसाहारी पार्ट्यांचेही मोठ्या प्रमाणात आयोजन केले जात आहे.

कॉलनीत मोकळ्या जागेत, घरांच्या, हॉटेल अथवा शेत शिवारात पार्ट्यांचे आयोजन होत असून, यंदाच्या पार्ट्यांवर शासनाची करडी नजर असल्याने त्याकडेही आयोजकांनी लक्ष केंद्रित केले आहे. ‘डीजे’वर नृत्य, फटाक्यांची आतषबाजी, केक कापणे अशा जल्लोषात रविवारी (ता. ३१) सायंकाळपासून रात्री उशिरापर्यंत पार्ट्या रंगणार असल्याचे चित्र आहे.

दरम्यान, थर्टी फर्स्टची पार्टी करताना भान ठेवावे. शासनाचे नियम व कायद्याचे उल्लंघन होणार नाही, याची जाणीव ठेवावी, अन्यथा कारवाईला सामोरे जावे लागणार असल्याचा इशारा पोलिस विभागातर्फे देण्यात आला आहे.